प्रवाशांसाठी खूशखबर ! आळंदी यात्रेसाठी पीएमपीचे 211 बसचे नियोजन

सकाळ वृत्तसेवा
सोमवार, 18 नोव्हेंबर 2019

कार्तिकी एकादशीनिमित्त श्री संत ज्ञानेश्‍वर महाराज यांच्या संजीवन समाधी सोहळ्यानिमित्त आळंदी यात्रेसाठी पीएमपीने 211 जादा बसचे नियोजन केले आहे. स्वारगेट, हडपसर, पुणे स्टेशन, मनपा भवन, निगडी, पिंपरी, चिंचवड, देहूगाव, भोसरी आणि रहाटणी या पीएमपीच्या स्थानकांपासून येत्या बुधवारपासून (ता. 20) पुढील मंगळवारपर्यंत (ता. 26) ही बससेवा उपलब्ध राहणार आहे.

पुणे : कार्तिकी एकादशीनिमित्त श्री संत ज्ञानेश्‍वर महाराज यांच्या संजीवन समाधी सोहळ्यानिमित्त आळंदी यात्रेसाठी पीएमपीने 211 जादा बसचे नियोजन केले आहे. स्वारगेट, हडपसर, पुणे स्टेशन, मनपा भवन, निगडी, पिंपरी, चिंचवड, देहूगाव, भोसरी आणि रहाटणी या पीएमपीच्या स्थानकांपासून येत्या बुधवारपासून (ता. 20) पुढील मंगळवारपर्यंत (ता. 26) ही बससेवा उपलब्ध राहणार आहे.

'सकाळ'चे मोबाईल ऍप डाऊनलोड करा

आळंदी यात्रेसाठी मार्गावरील नियमित 87 बस खेरीज जादा 124 बस उपलब्ध करून देण्यात आल्या आहेत. भाविकांच्या गर्दीनुसार शुक्रवारपासून (ता. 22) जादा बस सोडण्याचे नियोजन करण्यात आले आहे. या दरम्यान रात्रीनंतर जादा बससेवेसाठी नेहमीच्या तिकिटापेक्षा 5 रुपये जादा प्रवासी भाडे आकारण्यात येणार आहे. तसेच, यात्रेदरम्यान रात्री अकरानंतरच्या बससेवेसाठी प्रवाशांना कोणत्याही प्रकारचे पास वापरता येणार नाहीत.

जेव्हा शरद पवार कोण नवनीत राणा असा प्रश्न करतात?

यात्रेदरम्यान, बस संख्या वाढणार असल्यामुळे आळंदी गावातील सध्याचे बसस्थानक स्थलांतरीत करून ते काटेवस्ती येथून संचलीत करण्यात येणार आहे. यात्रेदरम्यान जादा बससेवा सोडण्यात येणार असल्यामुळे आळंदी रस्त्यावरील मार्ग क्रमांक 264 मनपा ते बहुळगाव हा मार्ग संपूर्णतः बंद राहणार आहे. तसेच मार्ग क्रमांक 257 वाघोली ते आळंदी या मार्गावरील बस मरकळ रस्त्यावरील लक्ष्मी मंगल कार्यालय येथून संचलनात राहतील, याची भाविकांनी नोंद घ्यावी, असे आवाहन पीएमपी प्रशासनाने केले आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 211 PMT Buses for alandi in Kartiki Ekadashi