कोंढाव्यातून 53 लाखांचे तंबाखूजन्य पदार्थ जप्त

पुणे - देशी-विदेशी कंपन्यांच्या सिगारेट्स, तसेच तंबाखूजन्य पदार्थांचा साठा करुन त्याची विक्री करणाऱ्यास गुन्हे शाखेच्या अमली पदार्थ विरोधी पथक (पूर्व) ने पकडले. त्याच्या ताब्यातून तब्बल 53 लाख 59 हजार रुपयांचा मुद्देमाल जप्त करण्यात आला आहे. 

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

हरीश पोकाराम चौधरी (वय २६, रा. कोंढवा खुर्द) असे पकडण्यात आलेल्या व्यक्तीचे नाव आहे. त्याच्यावर कोंढवा पोलिस ठाण्यात राष्ट्रीय आपत्ती व्यवस्थापन कायदा आणि महाराष्ट्र कोविड-19 उपाययोजना नियम कलम 11 तसेच कोटपा ॲक्ट कलम प्रमाणे गुन्हा दाखल केला आहे. कोंढवा बुद्रुक परिसरात महावीर रेसीडेन्सी मधील एका सदनिकेमध्ये एक व्यक्ती विविध देशी विदेशी कंपन्यांच्या सिगारेट्सची तसेच प्रतिबंधीत तंबाखूजन्य पदार्थांचा साठा करुन विक्री करीत असल्याची माहिती पोलिसांना मिळाली होती. त्यानुसार अमली पदार्थ विरोधी पथकाने त्या ठिकाणी जाऊन छापा टाकला.

पावसाळ्यात ज्येष्ठ, गर्भवती, मुलांची काळजी घ्या; फ्ल्यूबरोबरच कोरोनाची धास्ती

यावेळी चौधरी हा त्याच्या रहात्या घरामध्ये विविध देशी विदेशी कंपनीच्या सिगारेट्स तसेच प्रतिबंधीत तंबाखूजन्य पदार्थाची विक्री करीत असल्याचे आढळून आले. पोलिसांनी त्याच्या ताब्यातून रूपये 53 लाख 56 हजार 650 रुपये किंमतीचा मुद्देमाल जप्त केला. पुढील कारवाईसाठी आरोपीस कोंढवा पोलिसांच्या ताब्यात देण्यात आले आहे.

पुणे शहरातील कोरोनाची परिस्थिती नियंत्रणात; बाधितांचे घरातच विलगीकरण