esakal | खेड, शिरुरकरांसाठी भामा आसखेड धरणबाबत महत्त्वाची बातमी 
sakal

बोलून बातमी शोधा

bhama askhed.jpg

भामा आसखेड धरणात सध्या (दि. २१) सकाळी सहा वाजेपर्यंत ७८. ५९ टक्के पाणीसाठा जमा झाला आहे. मागील वर्षीच्या तुलनेत हा साठा अत्यंत कमी असून मागील वर्षी आजच्या दिवशी धरण शंभर टक्के भरले होते.

खेड, शिरुरकरांसाठी भामा आसखेड धरणबाबत महत्त्वाची बातमी 

sakal_logo
By
सकाळवृत्तसेवा

आंबेठाण (पुणे) : शेतकऱ्यांचे आमरण उपोषण आणि पाण्यात उतरून लहान मुले, महिला, वृद्धांसह सुरू असलेले आंदोलन यामुळे सर्वांचे लक्ष लागेलेले भामा आसखेड धरण भरण्याच्या मार्गावर आहे. खेड तालुक्यासह शिरूर आणि दौंड तालुक्याला वरदान ठरणाऱ्या भामा आसखेड धरणात सध्या (दि. २१) सकाळी सहा वाजेपर्यंत ७८. ५९ टक्के पाणीसाठा जमा झाला आहे. मागील वर्षीच्या तुलनेत हा साठा अत्यंत कमी असून मागील वर्षी आजच्या दिवशी धरण शंभर टक्के भरले होते.


येवा वाढल्याने खडकवासला धरणातील विसर्गात वाढ

यावर्षी धरण भरण्यास उशीर होत असल्याने शेतकऱ्यांसह या पाण्यावर अवलंबून असणाऱ्या शहरी भागातील नागरिकांच्या तोंडचे पाणी पळाले होते. सुरुवातीला धरण भरणार की नाही याची नागरिकांना धास्ती वाटत होती परंतु पाऊस असाच सुरू राहिला तर धरण भरेल असा विश्वास व्यक्त केला जात आहे.
भामा आसखेड धरणाची पाणी साठवण क्षमता ८.१४ टीएमसी आहे.

Video : रामभक्तांसाठी आनंदाची बातमी; रामाची चलनी नोट आहे पुण्यात!        

खेडच्या पश्चिम भागात भामा आसखेड हे मातीचे धरण आहे. चालू वर्षी एक जूनपासून धरण क्षेत्रात ६१५ मिमी पावसाची नोंद करण्यात आली आहे. तर काल दिवसभरात १९ मिमी पावसाची नोंद करण्यात आली आहे. धरणात सध्या ६.५० टीएमसी पाणीसाठा शिल्लक आहे तर जिवंत पाणीसाठा हा ६.०२ टीएमसी इतका आहे.
धरण पूर्ण क्षमतेने भरल्यानंतर या पाण्याचा फायदा खेडसह शिरूर व दौड या तीन तालुक्यांना होत असतो. त्यामुळे हे धरण तीनही तालुक्यांना वरदान ठरले आहे.

loading image
go to top