दस्त नोंदणीतून तब्बल एका महिन्यात झाला एवढा महसुल जमा 

पुणे - तीन टक्के मुद्रांक शुल्काची सवलतीचा अखेरच्या दिवशी मोठ्या प्रमाणावर नागरिकांनी फायदा घेतला. डिसेंबर महिन्यात राज्यात 4 लाख 59 हजार 607 दस्त नोंदविण्यात आले असून यातून राज्य शासनाला 4 हजार 31 कोटी रुपयांचा महसुल मिळाला आहे. एकाच महिन्यात एवढ्या मोठ्या प्रमाणावर महसुल मिळाल्याचा आजपर्यंतचा हा उच्चांक ठरला आहे. तर मागील नऊ महिन्यात दस्त नोंदणीतून राज्य शासनाच्या तिजोरीत 14 हजार 598 कोटी रुपयांचा महसुल मिळाला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

कोरोना व लॉकडाऊनमुळे अर्थव्यवस्थेला आलेली मरगळ झटकण्यासाठी राज्य शासनाने 1 सप्टेंबरपासून मुद्रांक शुल्कात तीन टक्‍क्‍यांची सवलत देण्यास सुरुवात केली. यामुळे घर खरेदीला चालना मिळाली. ही सवलत 31 डिसेंबरपर्यंत असल्यानेच या कालावधीत दस्त नोंदणीसाठी दुय्यम निबंधक कार्यालयात नागरिकांनी मोठी गर्दी केली होती. नागरिकांची गैरसोय होऊ नये म्हणून सुट्टीच्या दिवशीसुध्दा शहरातील कार्यालये सुरु ठेवण्यात आली होती. या सवलतींचा अनेक नागरिकांनी लाभ घेतला. त्यामुळे डिसेंबर महिन्यात विक्रमी दस्त नोंदणी व महसुल मिळाला आहे. 

महाराष्ट्राच्या पोरींनी इतिहास घडवला; राजपथावर परेडसाठी तिघींची निवड

आता 2 टक्के सवलत 
दरम्यान दि. 1 जानेवारी ते मार्च 2021 मध्ये मुद्रांक शुल्कात 2 टक्के सवलत देण्याचा निर्णय राज्य सरकारने घेतला आहे. त्यामुळे पुणे शहरात तसेच प्रभाव क्षेत्रांतील गावांमध्ये तीन टक्के मुद्रांक शुल्क आणि एक टक्का सेस ( एलबीटी) असे चार टक्केच मुद्रांक शुल्क भरावे लागणार आहे. तर ग्रामीण भागात दोन टक्के मुद्रांक शुल्क आणि एक टक्का सेस असे तीन टक्के मुद्रांक शुल्क आकारले जाणार आहे. 

पुणेकरांनो, पाणीपुरवठ्यात कपात होण्याची चिन्हे; अजित पवारांनी दिले संकेत

मुद्रांक शुल्क सवलतीचा फायदा नागरिकांनी मोठ्या प्रमाणावर घेतला. कोरोना काळात दुय्यम निबंधक कार्यालयात गर्दी होऊ नये, यासाठी शनिवारी या सुट्टीच्या दिवशीसुध्दा कार्यालये सुरु ठेवण्यात आली होती. त्याचबरोबर ज्या कार्यालयांमध्ये सायंकाळपर्यंत गर्दी होती, अशा कार्यालयांची वेळ दोन तासांनी वाढविण्यात आली होती. यासर्व उपाययोजनांमुळे राज्यात डिसेंबर महिन्यात विक्रमी दस्त नोंदणी व महसुल जमा झाला आहे. 
- ओमप्रकाश देशमुख - नोंदणी महानिरिक्षक 

चुकीला माफी नाही; 'ड्रंक अँड ड्राईव्ह' अंतर्गत 132 जणांवर पुण्यात कारवाई

2020-21 या वर्षात राज्यात झालेली दस्त नोंदणी 
महिना - दस्त संख्या - जमा महसुल 
एप्रिल - 1139 -275 कोटी 
मे - 42,573 - 516 कोटी 
जून - 1,53,155 - 1 हजार 332 कोटी 
जुलै - 1,65,139 -1 हजार 373 कोटी 
ऑगस्ट - 1,83,515 - 1 हजार 479 कोटी 
सप्टेंबर - 2,47,609 - 1 हजार 642 कोटी 
ऑक्‍टोंबर 2,74,235 -1 हजर 910 कोटी 
नोव्हेंबर - 2,74,773 -1 हजार 754 कोटी 
डिसेंबर - 4,59,607 -4 हजार 314 कोटी 

Edited By - Prashant Patil