पिस्तुलाचा धाक दाखवून लूटमारीचा प्रयत्न करणारा जेरबंद 

पिंपरी : पिस्तुलाचा धाक दाखवून लूटमार करण्याच्या प्रयत्नात असलेल्या आरोपीला पोलिस कर्मचाऱ्याने पिस्तुलासह ताब्यात घेतले. ताब्यात घेताना आरोपीशी पोलिसांशी झटापट केली. त्यात पोलिसांनी त्याला जेरबंद केले. हा प्रकार देहूरोड बाजारपेठेत घडला.

अजित पवार सकाळीच निघाले घरातून; कोणाला भेटणार यावर तर्कवितर्क  

दीपक पप्पू पांडे (वय 18, रा. आंबेडकरनगर, देहूरोड) असे अटक केलेल्या आरोपीचे नाव आहे. रविवारी (ता. 24) रात्री दहाच्या सुमारास देहूरोड बाजारपेठेतील मोटवानी वाइन शॉपचे व्यवस्थापक राजू देवमनी यांना पांडे पिस्तुलाचा धाक दाखवून त्यांच्याकडील ऐवज लुटण्याचा प्रयत्न करीत होता. यादरम्यान, बाजारपेठेत गस्तीवर असलेले पोलिस शिपाई दीपक अशोक शिरसाठ यांना माहिती मिळाली. ते तातडीने घटनास्थळी दाखल झाले. ताब्यात घेताना पांडे याने शिरसाठ यांच्याशी झटापट झाली. मात्र, शिरसाठ पांडेला शिताफीने पिस्तुलासह ताब्यात घेतले. पांडे हा सराईत गुन्हेगार असून, त्याच्यावर लूटमार व हाणामारीचे पाच गुन्हे दाखल आहेत. 

नेत्रविकारावर पुण्याच्या डॉक्‍टरने दिली नवी दृष्टी   

बक्षीस जाहीर 
पोलिस शिपाई दीपक शिरसाठ यांच्या कामगिरीची माहिती पोलिस आयुक्त संदीप बिष्णोई यांना मिळताच त्यांनी त्यांना पाच हजार रुपये व प्रशंसापत्र जाहीर केले आहे. 
'सकाळ'चे मोबाईल ऍप डाऊनलोड करा