पुण्यात श्वान मृत्युप्रकरणी गुन्हा दाखल

44crime_logo_525_1.jpg
44crime_logo_525_1.jpg

हडपसर : पाळीव श्र्वान दगावल्यामुळे श्र्वान मालकाने पाठपुरावा करून चुकीचे उपचार करणाऱ्या व विनापरवाना पशु रूग्णालय चालविणाऱ्या दोन पुशेवैदयकीय डॉक्टर व त्यांच्या एका सहाय्यकाविरूध्द हडपसर पोलिस ठाण्यात फसवणूकीचा व चुकीचे उपचार केल्याप्रकरणी गुन्हा दाखल केला आहे. 

डॉ. दिलीप सोनुने, डॉ अपुर्वा गुजराथी व सहाय्यक श्रीमती इशीतलाल अशी गुन्हा दाखल झालेल्या तिघांची नावे आहेत. याप्रकरणी डॉ. अनिल रामकृष्ण देशपांडे (वय 47, येरवडा) यांनी फिर्याद दिली आहे. पोलिसांनी दिलेल्या माहितीनुसार, 18 मे 2018 ला तुकाईदर्शन येथील योगेश गवळी यांचे श्र्वान आजारी पडले होते. त्यामुळे त्यांनी डीपी रोड येथील माय पेट केअर या पशुवैदयकीय दवाखान्यात त्याला उपचारासाठी नेले. तेथे डॅाक्टर उपल्बध नसताना सहाय्यकाने चुकीचे उपचार केले. 

दुसऱ्या दिवशी पहाटे 5 वाजण्याच्या सुमारास श्र्वानाचा मृत्यू झाला. त्यानंतर गवळी यांनी हडपसर पोलिस ठाण्यात तक्रार अर्ज दाखल केला. पोलिसांनी औंध येथील शासकीय पशुवैद्यकीय चिकित्सालय येथे पंचनामा केला. त्यावेळी सदर श्र्वानाला कावीळ झालेली होती. मात्र त्याच्यावर गॅस्ट्रोचे उपचार करण्यात आल्याची बाब निदर्शनास आली. हडपसर पोलिसांनी पुढील तपास केला असता सदर दवाखान्यास नागपूर येथील पशुवैदयकीय कौन्सीलची मान्यता नसल्याचे निदर्शनास आले. त्यामुळे पोलिसांनी दवाखाना सील करून संबधित दोषी असलेल्या तिघांवर गुन्हा दाखल केला. विनापरवाना दवाखाना सुरू केल्याप्रकरणी डॅाक्टरांचा परवाना देखील रद्द करण्यात आला आहे. हडपसर पोलिस ठाण्याचे वरिष्ठ पोलिस निरिक्षक सुनिल तांबे यांच्या मार्गदर्शनाखाली हेमचंद्र खोपडे, सहाय्यक निरिक्षक किरण लोंढे, बजरंग धायगुडे यांनी याप्रकरणी तपास केला. 

याबाबत श्र्वान मालक योगेश गवळी म्हणाले, ''श्र्वानाचे वय दिड महिन्याचे होते. आम्ही घऱातील सर्वजण त्याची प्रेमाणे काळजी घेत होतो. घरातील थोरा-मोठयांना त्याचा लळा लागला होता. अचनाक त्याचा मृत्यू झाल्याने सर्वांना हळहळ वाटत आहे. श्र्वानाच्या प्रेमापोटीच पाठपुरावा करून दोषी डॅाक्टर व विनापरवाना डॅाक्टरांना अद्दल घडावी यासाठीच पोलिस ठाण्यात तक्रार दिली.''
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com