चावंड गडावर पुरातन वस्तूंचा शोध घेणारा जुन्नर वनविभागाच्या कोठडीत

चावंड ग्रामस्थांनी संशयित आरोपीस रंगेहात पकडून जुन्नर वनविभागाच्या स्वाधीन केले.
antiques
antiquesSakal Media

जुन्नर : ऐतिहासिक चावंड गडावर मेटल डिटेक्टरच्या मदतीने पुरातन वस्तूंचा शोध घेणाऱ्यास चावंड ग्रामस्थांनी रविवारी (ता. १६) रंगेहात पकडून जुन्नर वनविभागाच्या स्वाधीन केले आहे. विक्रम शांताराम हाडवळे, रा. डुंबरवाडी-ओतुर, (ता. जुन्नर) असे संशयित आरोपीचे नाव आहे. चावंडचे पोलिस पाटील स्वरूप शेळकंदे, ग्रामस्थ मारुती उतळे, संदीप भालचिम, शिंगाडे आदींनी चावंड गडाच्या पायथ्याशी वनपाल शशिकांत मडके, वनरक्षक सचिन कवटे, वैभव वाजे यांच्या स्वाधीन केले.

antiques
म्युकरमायकोसिसचे पिंपरी-चिंचवडमध्ये ४१ रुग्ण

आरोपी सकाळी गडावर गेला होता. त्याच्याकडे असणाऱ्या मेटल डिटेक्टरच्या मदतीने त्याने गडावर दोन-तीन ठिकाणी उत्खनन केले असल्याचे आढळून आले आहे. यात त्याला तोफगोळ्याचे अवशेष व नाणे मिळून आले. याचा पंचनामा करण्यात आला आहे. ग्रामस्थांना त्यांच्याबाबत संशय आला होता यामुळे तो सायंकाळी खाली आल्यानंतर त्यांचेकडे त्यांनी चौकशी केली नंतर वनविभागाच्या ताब्यात दिले.

antiques
पुणे : लस पुढाऱ्याच्या घरी गेली; पण कुणी नाही पाहिली!

त्याच्याकडे एक मेटल डिटेक्टर, लोखंडी गज, लहान कुदळ, दोरी, तसेच लोखंड सदृश्य धातूचे तुटलेले तुकडे, पुरातन नाणेरूपी धातूचे अवशेष आदी वस्तू मिळून आल्या असल्याचे वनपरिक्षेत्र अधिकारी अजित शिंदे यांनी सांगितले. पुरातत्व विभागाचे साहय्यक संचालकांना पुरातन वस्तू ताब्यात घेण्यासाठी वनविभागाने कळविले आहे. वनविभागाच्या राखीव वनक्षेत्रात बेकायदेशीर प्रवेश करून ऐतिहासिक वस्तूंची शोधाशोध करणे,उत्खनन करणे आदी आरोपापरून भारतीय वन अधिनियमान्वये आरोपी विरुद्ध गुन्हा दाखल करण्यात आला असून आरोपीने यापूर्वी असे काही गुन्हे केले आहेत का ? याबाबत उपवनसंरक्षक संजय कडू सहायक वनसंरक्षक के. एल. भिसे यांचे मार्गदर्शनाखाली वनपरिक्षेत्र अधिकारी अजित शिंदे तपास करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com