दीपोत्सवात बालगोपाळांना किल्ले अन्‌ चित्रांचे आकर्षण

दीपोत्सवात बालगोपाळांना किल्ले अन्‌ चित्रांचे आकर्षण

पुणे - पिढ्यान्‌ पिढ्या गेल्या. किती गेल्या माहिती नाही, पण माती आणायची आणि किल्ल्यावरची चित्रे तयार करून विकायची! किल्ल्यावर चित्रे कितीही असोत, अहो रयतेचा राजा शिवाजी महाराजांचे मातीचे चित्र पाहिजेच. त्याशिवाय किल्ला अपूर्णच! त्यातच शूर आबांचा शूर छावा! छत्रपती संभाजी महाराजांच्या विविध रुपांतील चित्रेही यंदाच्या दिवाळीतले बालगोपाळांचे आकर्षण ठरत आहे. कालपरत्वे माती ऐवजी प्लॅस्टर ऑफ पॅरिस (पीओपी)ची चित्रे, किल्ले आलेत, मात्र पूर्वीसारखाच उत्साह आजही आहे.

 दिवाळीपूर्वी चार महिने अगोदरच कुंभार व्यावसायिक कामाला लागतात. गणेशोत्सवाच्या अगोदर पीओपीचे किल्ले आणि चित्रे साच्यातून काढून उन्हात वाळवून एकामागून एक नग तयार करून ठेवतात. नवरात्रोत्सव झाला की, मग किल्ले आणि चित्रांवरचे रंगकाम सुरू होते. अवघ्या आठवड्याभराने दिवाळी येत आहे. कुंभार व्यावसायिकांनी शहरभर दुकाने थाटायलाही सुरवात केली आहे. कोणी पथारीमांडून, तर कोणी हातगाडीवरून चित्रे व किल्ल्यांची विक्री करू लागले आहेत. कसबा पेठेतील कुंभारवाड्यात फेरफटका मारल्यावर प्रत्येक घरटी किल्ले, चित्रे आणि मातीच्या वस्तू तयार करण्याचे काम सुरू असल्याचे दृष्य पाहायला मिळत आहे. कुंभारवाड्यातही अनेकांनी त्यांची दुकाने मांडली असून, माती उपलब्ध होत नाही. म्हणून गेल्या काही वर्षांपासून पीओपीची चित्रेच विक्रीला येतात. ही चित्रे वजनाने हलकी असतात.

लहान मुलांना टीव्हीवरील मालिकांचे आकर्षण असते. त्यानुसार डोरेमॉन, मोटू-पतलू, छोटा भीम यांचीही चित्रे तयार करतो. काही नागरिक घरातल्या शो-केस मध्ये ठेवण्यासाठीही चित्रे खरेदी करतात. सध्या संभाजी महाराजांची मालिका गाजत आहे. त्यामुळे वाघाचा जबडा फाडणारे, तलवार चालविणारे संभाजी महाराज या रुपांतील चित्रेही आली आहेत
- हृषीकेश काटकर,  विक्रेते

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com