आळंदीत मंदिर प्रदक्षिणेने आषाढी वारी सोहळ्याची सांगता

आळंदी (पुणे) : कोरोनाच्या पार्श्वभूमीवर संचारबंदीमुळे एकादशीनिमित्त मोजक्या वारकऱ्यांच्या उपस्थितीत माउलींचा मुखवटा पालखीत ठेवून मंदिर प्रदक्षिणा केली. दिंडीकऱ्यांची हजेरी आणि नारळप्रसादाच्या वाटपानंतर आषाढी वारी सोहळ्याची सांगता झाली. 

असा चेक करा बारावीचा रिझल्ट

कोरोनाच्या पार्श्वभूमीवर यंदाचा आळंदी ते पंढरपूर पायी वारी सोहळा रद्द झाला होता. त्यानंतर सरकारच्यावतीने बसद्वारे माउलींच्या पादुका ३० जूनला आळंदीतून पंढरपूरहून नेण्यात आल्या. आषाढी एकादशी आणि द्वादशी केल्यानंतर माउलींचा सोहळा आळंदीत परतल्यानंतर माउलींच्या पादुका कारंजे मंडपात विराजमान केल्या होत्या. आज पहाटे माउलींच्या समाधीवर विधीवत पवमान अभिषेक झाला. 

आज एकादशीनिमित्त समाधी मंदिर गाभारा आकर्षक फुलांनी सजविला होता. दुपारी साडेबाराला माउलींना नैवद्य दाखविल्यानंतर मंदिर प्रदक्षिणेची तयारी सुरू झाली. माउलींचा चांदीचा मुखवट्यास तुळशीच्या हार घालण्यात आला. आकर्षक फुलांनी सजविलेल्या पालखीत माउलींचा मुखवटा ठेवण्यात आला. टाळ मृदंगाचा निनाद आणि माउलीनामाचा गजर करत पालखी विणा मंडपातून मंदिर प्रदक्षिणेसाठी बाहेर पडली. या वेळी आळंदी देवस्थानचे प्रमुख विश्वस्त अॅड. विकास ढगे, डॉ. अभय टिळक, बाळासाहेब चोपदार, राजाभाऊ चोपदार, रामभाऊ चोपदार, राजाभाऊ चौधरी, राहुल जोशी, राहूल चिताळकर, ज्ञानेश्वर वीर, अमोल गांधी आदी उपस्थित होते. 

आईने सांगितला तसा अभ्यास केला आणि बोर्डाच्या परीक्षेत पहिला आला

मंदिर प्रदक्षिणा झाल्यानंतर मुक्ताबाई मंडपात दिंडीक-यांच्या हजेरी आणि नाईक कुटुंबियांच्यावतीने दिंडीकऱ्यांना मानाचा नारळप्रसाद दिला. त्यानंतर माउलींच्या समाधी मंदिरात मुख्य गाभा-याजवळ देवस्थानचे मानकरी, दिंडीकरी यांना देवस्थानच्यावतीने मानाचे नारळप्रसाद वाटप करण्यात आले. त्यानंतर पालखी सोहळ्याची परंपरेने सांगता झाली.
 
Edited By : Nilesh J shende