काँग्रेसचे आमदार आज राज्यात परतणार

पुणे : राज्यातील सत्तानाट्याचा महत्वाचा अंक राजस्थानमध्ये घडला. सत्तास्थापणेसाठी राजकीय पर्यटनाला जयापूरमध्ये गेलेले काँग्रेस आमदार आज (ता.१३) परतणार आहे. मागील चार दिवसांपासून जयपूर मधील ब्युना विस्टा रिसॉर्टमध्ये थांबलेले आमदार दुपारी साडेबारा वाजता चार्टड प्लेनने मुंबईला परतणार आहे. 

राज्यातील सत्ता स्थापनेच्या कुस्तीत आपले मल्ल शाबूत राहावे, त्यांची कसरत योग्य व्हावी, त्यांनी दुसऱ्या उस्तादांचा तंबू गाठू नये म्हणून काँगेसने स्वतःचा आखाडा असलेल्या काँग्रेसशाशीत राजस्थानमध्ये आमदारांना नेले. असे असतानाही त्यापैकी काही आमदारांची पुढील भूमिका संदिग्ध दिसत आहे. त्यांचे राजकीय पर्यटन किती सफल झाले. हे राज्यात परतल्यानंतरच कळेल. जयपूर मधून काँग्रेस आमदार तूर्तास परतल्यामुळे सत्तास्थापणेतून आघाडीने माघार घेतली का काय? असा प्रश्न पडतो.