भोरमधील या गावांमध्येही आढळले कोरोनाचे रुग्ण 

खेड शिवापूर (पुणे) : भोर तालुक्यातील शिंदेवाडी गावात कोरोना पॉझिटिव्ह रुग्णांची एकूण संख्या अकरा झाली आहे. तर, वेळू (ता. भोर) गावातही कोरोनाचा पहिला पॉझिटिव्ह रुग्ण आढळला आहे. दोन दिवसात या परिसरात दहा नवे कोरोना रुग्ण वाढल्याने परिसरातील नागरिकांची चिंता वाढली आहे.

वाळूमाफियांकडून महिला तहसीलदारांवर पाळत

शिंदेवाडी गावात दोन दिवसांपूर्वी वेगवेगळ्या कुटुंबातील एक वृद्ध महिला आणि एक वृद्ध पुरुष कोरोना पॉझिटिव्ह आढळून आले होते. त्या दोन रुग्णांच्या संपर्कात आलेल्यांचे नमुने कोरोना चाचणीसाठी घेण्यात आले होते. त्यातील वृद्ध महिला रुग्णाच्या कुटुंबातील सात जणांचे कोरोना अहवाल पॉझिटिव्ह आले आहेत. तर, त्याच कुटुंबातील इतर सदस्यांच्या संपर्कात आलेल्या गावातील इतर दोन पुरुषांचे कोरोना अहवाल पॉझिटिव्ह आले आहेत. त्यानुसार शिंदेवाडी गावात एकूण कोरोना रुग्णांची संख्या अकरा झाली आहे. तर, वेळू गावातही गुरुवारी पहिला कोरोना पॉझिटिव्ह रुग्ण आढळुन आला आहे. 

पुण्याच्या इतर बातम्या वाचण्यासाठी येथे क्लिक करा  

या रुग्णांच्या संपर्कातील आलेल्यांचे नमुने कोरोना चाचणीसाठी देण्यात आले आहेत, अशी माहिती भोर तालुका आरोग्य अधिकारी डॉ. सूर्यकांत कऱ्हाळे यांनी दिली.

Edited By : Nilesh Shende