कोरोनाकाळात सोनारी मंदिर बंद; माकडांची उपासमार केली दुर

कोरोनाचा प्रादुर्भाव रोखण्यासाठी सरकारने घोषित केलेल्या लॉकडाऊनमुळे सर्वसामान्य माणसाप्रमाणे मुक्या प्राण्यांनाही झळ पोहचत आहे.
Monkey
MonkeySakal

जुनी सांगवी - कोरोनाचा (Corona) प्रादुर्भाव रोखण्यासाठी सरकारने (Government) घोषित केलेल्या लॉकडाऊनमुळे (Lockdown) सर्वसामान्य माणसाप्रमाणे मुक्या प्राण्यांनाही (Animal) झळ पोहचत आहे. उस्मानाबाद जिल्ह्यातील (परांडा) सोनारी येथे माकडांचे मोठ्या प्रमाणावर वास्तव्य आहे. येथील काळभैरवनाथ मंदिर सुरक्षिततेसाठी भाविकांसाठी बंद असल्याने माकडांना (Monkey) खायला मिळणे मुश्किल झाले आहे. त्यामुळे या वन्यप्राण्यांना पिंपळे गुरव येथील मराठवाडा जनविकास संघाच्यावतीने खाद्य पुरविण्यात आले आहे.

तीर्थक्षेत्र सोनारी व परिसरात तब्बल दीड हजारावर माकडे आहेत. सतत निर्माण होणाऱ्या दुष्काळामुळे माकडांना खाद्य, पाण्यासाठी भटकंती करावी लागत आहे. माकडांची ही भटकंती थांबावी, म्हणून माकडांसाठी पंधरा दिवस पुरेल ईतके काकडी, टोमॅटो, कलिंगड, खरबूज, फुटाणे, शेंगदाणे, पेरू, चिक्कू, मक्याची कणसे असे खाद्य पुरविण्यात आले. त्यामुळे माकडांची उपासमार टळण्यास मदत होणार आहे.

Monkey
पुणे शहरात साडे सात हजार डोस गेले वाया

लॉकडाऊनमुळे माणसांप्रमाणे मुक्या प्राण्यांना त्रास सहन करावा लागत आहे. माणसांना बोलता येते, तसेच त्यांना विविध ठिकाणांहून मदत दिली जात आहे. माकडांसारख्या वन्यप्राण्यांना खाद्याअभावी प्राणांना मुकावे लागू नये, यासाठी सोनारी येथील माकडांना खाद्याची व्यवस्था करण्यात आली आहे, अशी माहिती मराठवाडा जनविकास संघाचे अध्यक्ष अरुण पवार यांनी दिली.

यावेळी महेश कारकर, अविनाश हांगे, प्रकाश जगताप, अशोक माने, रविंद्र खुळे, मराठवाडा जनविकास संघाचे अध्यक्ष अरुण पवार, भिमा घाडगे, सागर वायकर, सज्जन गोसावी, योगेश बनसोडे, ब्रम्हदेव वाडेकर, अभिषेक पवार गजेंद्र भोरे, सागर भोरे, रामराजे ताकभाते, महादेव चिकणे, बाळासाहेब काकडे आदींनी सहभाग घेतला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com