जेजुरीत कोरोनाची पुन्हा एन्ट्री...पुरंदर दीड शतकाच्या उंबरठ्यावर

सासवड (पुणे)  : पुरंदर तालुक्यातील जेजुरीत दोन महिन्यांच्या विश्रांतीनंतर आज कोरोनाचे दोन रुग्ण सापडले. तसेच, तालुक्यातील गराडे येथेही एक कोरोनाबाधित रुग्ण आढळून आला आहे. त्यामुळे पुरंदर तालुक्याची आजच्या तीन रुग्णांसह संख्या 149 झाली आहे. एकट्या सासवड शहरात कालच्या 20 पाॅझिटिव्हसह 101 वर गेल्याने काळजी वाढली आहे.

मुंबईकर जावयाने उडवली दौंडजकरांची झोप

पुरंदर तालुक्यातील सासवड शहराने केवळ या दोन आठवड्यात पुन्हा उसळी मारली आहे. शहरात कोरोना पाॅझिटिव्ह बरेच सापडले आहेत. तर, ग्रामीणमधील वेगही या आठवड्यात वाढला आहे. तालुक्यातील तब्बल 25 गावात कोरोना संसर्ग पोचला आहे. तर, कोरोनामुळे काल पाचवा बळी सुप्यात गेला. परिस्थिती गंभीर होत असल्याने लोकप्रतिनिधींकडून प्रशासकीय मंडळींची तातडीची बैठक सासवडला झाली. सासवड शहराची परिस्थिती गंभीर बनली आहे. लाॅकडाऊन पुढे वाढविला नाही; आणि पुणे कनेक्शनधून संसर्ग रोखला नाही.. तर नियंत्रण राहणार नाही; हे स्पष्ट आहे.

सोरतापवाडीत तलाठी लाचलुचपत प्रतिबंधक विभागाच्या जाळ्यात

शहरातल्या एकुण 101 मधील एकट्या लांडगे गल्लीचेच चाळीस टक्के रुग्ण आहेत.  प्रत्येक घरात पोचून सर्वेक्षण व कोविड तपासणी का केली जात नाही, असा सवाल लांडगे गल्लीतील जाणकार तरुणांनी आज केला. तालुक्यात एकट्या सासवडचे 70 टक्के रुग्ण आणि सासवडला एका लांडगे गल्लीचेच 40 टक्के रुग्ण झाले आहेत. यावर लक्ष केंद्रीत करीत आहोत, असे पालिका मुख्याधिकारी विनोद जळक यांनी स्पष्ट केले. 

कोरोनाच्या संकटात मुख्यमंत्र्यांचे काम समाधानकारक, शरद पवार यांनी थोपटली पाठ

यानिमित्ताने आमदार संजय जगताप म्हणाले की, सासवड शहरातील सर्वच लोकांनी सुजाणपणा दाखवावा, निष्काळजी लोकांनी शहाणे व्हावे. कोरोनाबाबतची शिस्त बारकाईने अंमलात आणा. नाहीतर माफी नाही. या वेळी तहसीलदार रुपाली सरनौबत, सासवड पालिका मुख्याधिकारी विनोद जळक, तालुका गट विकास अधिकारी मिलिंद टोणपे, सार्वजनिक बांधकाम विभागाचे अनिल शिंदे आदी उपस्थित होते.

पुण्याच्या इतर बातम्या वाचण्यासाठी येथे क्लिक करा
 
दरम्यान, गुरोळी, मांढर, सासवड, धनकवडी पाठोपाठ काल सुपे खुर्दमधील एका कोरोनाबाधितचा मृत्यू झाला. परवा रात्री केतकावळे येथील कोरोना पार्श्वभूमी असलेल्या कुटुंबात एकाचा मृत्यू झाला. पण, तो कोरोना तपासणीत निगेटिव्ह ठरला आहे. सासवडचा लाॅकडाउन थोडा फायदेशीर ठरतोय, असे वाटत असताना शहराने पुन्हा उसळी मारली.  त्यातून सासवड शहरातील लाॅकडाउन पंधरा दिवस पुढे नेण्यासारखी दुसरी उपाययोजना हातात नाही. तसेच, पुणे व बाहेर गावाहून ये- जा करणारांना होम क्वारंटाइन पद्धतीत रोखले तर अजून नियंत्रण मिळण्याच्या आशा आहेत. ग्रामीण भागातील 25 गावांत कोरोनाचा शिरकावा झाला आहे. तोही त्या गावात नियोजन करून रोखला पाहिजे.