ऑनलाइन फसवणूक झालेल्या व्यक्तींचे 17लाख रुपये परत 

पुणे - ऑनलाइन बॅंकिंग, डेबिट व क्रेडिट कार्डद्वारे व्यवहार करताना नागरिकांच्या बॅंक खात्यातील रक्कम परस्पर काढून घेण्यात आली होती. याबाबतच्या तक्रारींची दखल घेत सायबर पोलिसांनी बॅंका, वित्तीय संस्थांकडे पाठपुरावा करून 17 लाख 26 हजार रुपयांची रक्कम तक्रारदारांना परत मिळवून दिली. 

बातम्या ऐकण्यासाठी डाऊनलोड करा ई-सकाळचे ऍप

संचारबंदी सुरू असताना एक ते पाच एप्रिल या कालावधीमध्ये घडलेल्या घटनांमधील तक्रारदरांना सायबर पोलिसांनी दिलासा दिला आहे. नागरिकांकडून विविध प्रकारचे ऑनलाइन व्यवहार केले जातात. मात्र, कोणत्याही प्रकारचा व्यवहार केलेला नसतानाही आणि ऑनलाइन बॅंकिंग, क्रेडिट, डेबिट कार्डचे ओटीपी कोणालाही दिला नसतानाही तक्रारदारांच्या बॅंक खात्यातील रक्‍कम काढून घेण्यात आली होती.

Coronavirus:स्थानिक संपर्कातून सर्वाधिक रुग्ण; पुण्यात कोरोनाचे 142 पैकी 122 रुग्ण परदेश दौरा न केलेले

याबाबत सायबर पोलिसांकडे तक्रारी प्राप्त झाल्या होता. त्यानंतर पोलिसांनी संबंधित बॅंकांशी पाठपुरावा करून तक्रारदारांना ऑनलाइन माध्यमातून गेलेली रक्कम परत मिळवून दिल्याची माहिती वरिष्ठ पोलिस निरीक्षक जयराम पायगुडे यांनी दिली.