Pune News: खेड शिवापुर टोल नाक्यावर सापडले ५ कोटींचे ड्रग, धडाकेबाज कारवाईत 4 जणांना अटक

Published on : 31 May 2023, 6:14 am

पुणे पोलिसांनी एक मोठी कारवाई केली आहे. ५ कोटी रुपयांचे एक किलो मेथॅम्फेटामाइन ड्रग्ज पुणे पोलिसांनी जप्त केले आहेत. हे अमली पदार्थ जलद आणि दीर्घकाळ टिकणारे प्रभाव असलेले कृत्रिम औषध, उत्तेजक म्हणून बेकायदेशीरपणे वापरले जातात.

पुणे पोलिसांच्या अमली पदार्थ विरोधी पथक आणि कस्टम विभागाची संयुक्त कारवाई करण्यात आली आहे. या प्रकरणी एकुण चार जणांना अटक करण्यात आली आहे.(Latest Marathi News)

Maharashtra Politics: आगामी निवडणुकीसाठी भाजपचा ‘मेगा प्लॅन’, पक्षात हालचालींना वेग

29 मे रोजी एका वाहनामधून पुण्याजवळील खेड शिवापूर टोल नाक्यावर 850 ग्रॅम ड्रग जप्त करण्यात आले. याप्रकरणी सखोल तपास करताना पुणे पोलिसांनी लोणावळ्याजवळ आणखी 200 ग्रॅम मेथॅम्फेटामाइन जप्त केले आहेत.(Latest Marathi News)

हे अमली पदार्थ कोणाला विकणार होते आणि कुठून आणले होते, याची माहीती समोर आलेली नाही. या प्रकरणाचा पुढील तपास पोलीस करत आहेत