बनवा ‘इको फ्रेंडली’ बाप्पा

पुणे - प्लॅस्टर ऑफ पॅरिसच्या गणेशमूर्ती नदीपात्रात, विहिरीत विसर्जित करून ते पाणीसाठे दूषित करण्याऐवजी शाडूच्या गणेशमूर्ती पुजून नंतर त्या कृत्रिम जलकुंडात विसर्जित करणे ही काळाची गरज आहे. विद्यार्थ्यांद्वारे पर्यावरणपूरक गणेशोत्सव ही संकल्पना घराघरांत जावी व आपला लाडका बाप्पा स्वत:च्या हाताने तयार करण्याची संधी ‘सकाळ’ घेऊन येत आहे. त्यासाठी गणेशमूर्ती घडविण्यास शिकवणारी अभिनव कार्यशाळा रविवारी (ता. १८) आयोजित केली आहे.

फिनिक्‍स मार्केट सिटी (विमाननगर), पुणे सेंट्रल मॉल (कर्वे रस्ता व विद्यापीठ रस्ता), पाठशाळा (बालेवाडी, रहाटणी), क्‍लारा ग्लोबल स्कूल (घोरपडी), नॉव्हेल इंटरनॅशनल स्कूल (चिंचवड), सिटी प्राइड स्कूल (निगडी), अभिषेक इंटरनॅशनल स्कूल (मोशी), सीएम इंटरनॅशनल स्कूल (बालेवाडी), अभिरुची मॉल अँड मल्टिप्लेक्‍स (सिंहगड रस्ता), एडीफाय इंटरनॅशनल स्कूल (हिंजवडी), सिटी इंटरनॅशनल स्कूल (कोथरूड), सनशाइन प्री-स्कूल (आंबेगाव बुद्रुक) येथे सकाळी १० ते ११.३० वाजता कार्यशाळा होणार आहे. विद्यार्थ्यांनी येताना सोबत बसण्यासाठी मॅट, कंपास पेटी, पाण्याची बाटली, छोटा रुमाल, जुने वर्तमानपत्र, पेंटिंगचा ब्रश, बाऊल, तिकीट सोबत आणावे. बाप्पाला दागिने तयार करण्यासाठी सोबत डाळी, कडधान्ये आणली तरी चालणार आहे. सहभागींना प्रमाणपत्र दिले जाणार आहे.