दिवाळी निमित्त सिंहगडावर विद्युत रोषणाई

खडकवासला : दिवाळीनिमित्त सिंहगडावर विद्युत रोषणाई करून नरवीरांना अभिवादनकरून दिवाळीची सुरुवात करण्यात आली. गडकिल्ले संवर्धन संस्थेच्या वतीने हा उपक्रम राबविण्यात आला.

सिंहगडावर गडकिल्ले संवर्धन संस्थेच्या वतीने दरवर्षी वासुबारसेच्या दिवशी दीपोत्सवाचे आयोजन केले जाते. करण्यात येते. यंदा किल्ल्यावरील पुणे दरवाजा आणि वास्तूंवर आकर्षक विद्युत रोषणाई करण्यात आली होती. दरवाजांवर फुलांची तोरणे बांधून शिवरायांच्या पालखीची वाजत गाजत मिरवणूक काढली. फुलांची उधळण, जय जिजाऊ जय शिवराय या जयघोषात शिवरायांना मानवंदना देण्यात आली. गडकिल्ले संवर्धन संस्थेचे संस्थापक साईनाथ जोशी, पैगंबर शेख यांनी आयोजन केले होते.

यावेळी गडकिल्ले संवर्धन चळवळीत काम करणाऱ्या विविध संघटना,सामाजिक क्षेत्रात काम करणाऱ्या संस्था आणि विविध क्षेत्रात काम करणाऱ्या व्यक्तींचा सन्मान करण्यात आला. 'स्वराज्यरक्षक संभाजी' या मालिकेतील 'ज्योत्याजी केसरकर' यांची भुमिका साकारणारे गणेश लोणारे, बाळूमामाच्या नावानं चांगभल सिरयल मधील 'लक्ष्मी' म्हणजेच पुनम भागवत हे कलाकार उपस्थित होते.

कार्यक्रमास नगरसेवक सचिन दोडके, माजी नगरसेविका रुपाली ठोंबरे, शिवभक्त शाम शिंदे, माजी पंचायत समिती सदस्य दत्ता जोरकर, माजी नगरसेवक किरण बारटक्के, राष्ट्रवादी युवकचे अध्यक्ष सुधाकर गायकवाड, विरेश शितोळे, स्वीकृत सदस्य सचिन दांगट, शिवसेनेचे विधानसभा प्रमुख नितीन वाघ, माजी सरपंच विश्वनाथ मुजूमले, माजी उपसरपंच सुशांत खिरीड, अमोल पढेर, सागर जावळकर, पराग ढेणे गौरव दांगट, आलम पठाण, निलेश बोडके, सुधीर धावडे यांच्यासह मान्यवर उपस्थित होते.