आरटीई प्रवेशासाठी 4 मे पर्यंत मुदतवाढ 

RTE
RTE

पुणे : शिक्षण हक्क कायद्यानुसार आर्थिकदृष्ट्या दुर्बल आणि वंचित घटकातील (आरटीई) विद्यार्थ्यांसाठी असणाऱ्या 25 टक्के राखीव जागांवरील प्रवेशासाठी प्राथमिक शिक्षण विभागाने चार मे पर्यंत मुदतवाढ दिली आहे. 

या प्रवेशप्रक्रियेतील पहिली लॉटरी काही दिवसांपूर्वी जाहीर करण्यात आली होती. राज्यातील नऊ हजार 195 शाळांमधील जवळपास एक लाख 16 हजार 779 जागांसाठी ही प्रवेशप्रक्रिया राबविण्यात येत आहे. यासाठी दोन लाख 44 हजार 934 अर्ज आले आहेत. यात पहिल्या लॉटरीमध्ये राज्यातील जवळपास 67 हजार 706 विद्यार्थ्यांच्या अर्जांची निवड झाली आहे. त्यातील 35 हजार 216 विद्यार्थ्यांनी आतापर्यंत प्रवेश घेतला आहे. 

या प्रक्रियेअंतर्गत अधिकाधिक विद्यार्थ्यांना प्रवेशाची संधी मिळावी, यासाठी आतापर्यंत प्रवेशाच्या मुदतीत दोनदा वाढ करण्यात आली आहे. यापूर्वी 25 टक्के राखीव जागांवरील प्रवेशासाठी शुक्रवार (ता. 26)पर्यंत अंतिम मुदत दिली होती. ही मुदत वाढविण्याची मागणी पालक आणि विविध संघटनांनी लावून धरली होती. याची दखल घेत शिक्षण विभागाने ही मुदतवाढ दिली आहे. आता पालकांना चार मे पर्यंत शाळेत जाऊन प्रवेश निश्‍चित करता येईल, अशी माहिती प्राथमिक शिक्षण संचालक सुनील चौहान यांनी पत्रकाद्वारे दिली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com