पुणे : पाटस अपघातात बापलेकीचा मृत्यू

पाटस : पुणे सोलापुर महामार्गावर पाटस (ता.दौंड) हद्दीत विरुध्द दिशेने भरधाव वेगात येणाऱया टेंपोची दुचाकीला धडक बसुन भीषण अपघात झाला.यामध्ये दुचाकीवरील बापलेकीचा जागीच मृत्यू झाला.तर आइ गंभीर जखमी झाल्याची दुदैवी घटना घडली. अतुल सिगारेट काळे (वय ३०) व इंद्रायणी काळे (वय दिड वर्षे) असे मयत झालेल्यांची नावे आहेत.तर जयश्री काळे ही महीला गंभीर जखमी झाली आहे. याबाबत सुकेश काळे (रा.पाटस ता.दौंड) यांनी पाटस पोलिसात फिर्याद दिली.त्यानुसार पोलिस नाइक अजित इंगवले यांनी माहीती दिली.

पाटस येथील अतुल काळे हा पत्नी जयश्री व मुलगी इंद्रायणी काळे यांना घेवून रविवारी (ता.२६) दुपारी दुचाकीवरुन महामार्गाने वरवंडकडे जात होता.ढमालेवस्ती भागात विरुध्द दिशेने भरधाव वेगात टेंपो येत होता.त्यावेळी टेंपो व दुचाकीची समोरासमोर धडक झाली.हा अपघात एवढा भीषण होता की दुचाकीवरील अतुल व त्याची कन्या इंद्रायणी यांचा जागीच मृत्यू झाला.तर जयश्री काळे या गंभीर जखमी झाल्या.परीसरातील नागरीकांनी घटनास्थळी धाव घेतली.माहीती मिळताच यवत पोलिस ठाण्यातील पोलिस नाइक अजित इंगवले,रमेश चव्हाण यांनी संबधीत ठिकाणी हजेरी लावली.मृतदेह विच्छेदनासाठी पाठवुन दिले.

दरम्यान,संबधीत टेंपो चालक हा बेजबाबदारपणे विरुध्द दिशेने आल्याने हा अपघात झाल्याचे संबधीत मयत व्यक्तीच्या नातेवाइकांनी सांगितले. दरम्यान,फिर्यादी वरुन संबधीत टेंपो चालकावर गुन्हा दाखल करण्यात आला असुन अपघातग्रस्त टेंपो ताब्यात घेण्यात आला आहे.अशी माहीती पोलिस नाइक इंगवले यांनी दिली. या घटनेचा पुढील तपास सहायक पोलिस निरीक्षक केशव वाबळे करीत आहे.