रिक्षात सापडले चार महिन्याचे गाेंडस बाळ

पालन पोषणाची जबाबदारी झटकून बाळ सोडून देणाऱ्या अज्ञात पालकांवर गुन्हा दाखल
रिक्षात सापडले चार महिन्याचे गाेंडस बाळ
रिक्षात सापडले चार महिन्याचे गाेंडस बाळsakal

खेड-शिवापूर : खेड शिवापूर दर्गा (ता.हवेली) येथे गुरुवारी रात्री वाहनतळावर उभ्या असलेल्या रिक्षात चार महिने वयाचे स्त्री जातीचे बालक आढळून आले. राजगड पोलिसांनी या बालकाला ताब्यात घेऊन त्याची देखभाल केली आहे. तसेच त्या बालकाला ससून येथील सोफोश संस्थेत दाखल करण्याची प्रक्रिया सुरू आहे. पालन पोषणाची जबाबदारी झटकून बाळ सोडून देणाऱ्या अज्ञात पालकांवर राजगड पोलिसांनी गुन्हा दाखल केला आहे. याबाबत राजगड पोलिसांनी माहिती दिली. तौफिक करमुद्दीन शेख हे कुटुंबासह पुण्याहून खेड-शिवापूर येथील दर्ग्यावर दर्शनासाठी आले होते.

सायंकाळी सहा वाजण्याच्या सुमारास दर्ग्याजवळील वाहनतळावर रिक्षा उभी करून ते दर्शनासाठी गेले. रात्री नऊ वाजण्याच्या सुमारास ते दर्शन करून रिक्षाजवळ आले असता त्यांना रिक्षाच्या पाठीमागच्या सीटवर अंदाजे चार महिने वयाचे स्त्री जातीचे बाळ आढळून आले. त्यांनी आजूबाजूला त्या बाळाच्या पालकांची चौकशी केली. मात्र त्या बाळाचे पालक कोणी आढळले नाही. त्यामुळे त्यांनी सदर प्रकार राजगड पोलिसांना सांगितला. राजगड पोलिसांनी सदर बाळाला ताब्यात घेऊन त्याची देखभाल केली. तसेच त्या बालकाला ससून येथील सोफोश केंद्रात दाखल करण्याची प्रक्रिया सुरू आहे. तर चार महिने वयाच्या बाळाला सोडून निघून गेल्याप्रकरणी अज्ञात आई-वडिलांविरोधात राजगड पोलिसांनी गुन्हा दाखल केला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com