सोमनाथनगरमध्ये घाणीचे साम्राज्य

वडगावशेरी : सोमनाथनगर वडगावशेरी येथे पुणे महानगरपालिकेच्या सबंधित विभागा कडून पिण्याच्या पाण्याची जलवाहिन्याची कामे पुर्ण करण्यात आली त्यासाठी खोदण्यात आलेल्या रस्त्याची डागडुजी करण्यात आली. परंतु जो राडारोडा पडलेला आहे तो कधी उचलणार असा सवाल नागरिकांकडून केला जात आहे. (Pune News)

सध्या पावसाचे दिवस सुरू आहे. नेहमीच गजबजलेल्या या परिसरात पादचाऱ्यांसह वाहनांची ये जा सुरू असते. जलवाहिन्यांची कामांसाठी रस्ता खोदण्यात आला होता. जलवाहिन्यांची कामे पुर्ण झाली आहे. खोदण्यात आलेल्या रस्त्याचा राडारोडा हा कित्येक दिवसांपासुन पडलेला आहे. तो लवकरात लवकर हटवण्यात यावा अशी मागणी नागरिकांकडून केली जात आहे.

रस्त्यावरील वळणांवर राडारोडा टाकण्यात आल्याने या ठिकाणी एखाद्या दुचाकी चालकाचा तोल जाऊन अपघात होऊ शकतो. लवकरात लवकर हा राडारोडा उचला जावा अशी मागणी स्थानिक रहिवासी सुरेखा घनवट सह नागरिकांकडून करण्यात आली आहे.

सबंधित विभागा कडून सदर ठिकाणचा राडारोडा लवकरात लवकर उचलण्यात येईल.

-मधुकर थोरात, उपअभियंता,बंडगार्डन पाणी पुरवठा विभाग