भीमा-कोरेगाव प्रकरण : गौतम नवलाखा यांना उच्च न्यायालयात दिलासा

पुणे : एल्गार आणि भीमा-कोरेगाव प्रकरणातील संशयित आरोपी गौतम नवलाखा यांना मुंबई उच्च न्यायालयाने शुक्रवारी दिलासा दिला. त्यांना दोन नोव्हेंबरपर्यंत अटक करू नये, असे आदेश न्यायालयाने पुणे पोलिसांना दिले आहेत.

'सकाळ'चे मोबाईल ऍप डाऊनलोड करा

यापुढे आनंद तेलतुंबडे आणि नवलाखा यांच्या अटकपूर्व जामीन अर्जावर एकत्रित सुनावणी होणार आहे. नवलाखा यांचा अटकपूर्व जामीन मंगळवारी (ता. 12) येथील न्यायालयाने फेटाळला होता. त्यामुळे त्यांना उच्च न्यायालयात जाण्यासाठी पुन्हा तीन दिवसांचे अंतरिम संरक्षण मिळावे यासाठी अर्ज केला होता. मात्र त्यांच्याविरोधात पोलिसांना प्रथमदर्शनी सबळ पुरावे मिळून आले असून पुढील तपासकरिता त्यांना अटक करणे आवश्‍यक आहे.

'मी पुन्हा येईन, पुन्हा येईन' असे म्हणणार नाही, पण... : संजय राऊत

आत्तापर्यंत त्यांना वेळोवेळी न्यायालयाने अटकपूर्व संरक्षण दिलेले आहे, असे नमूद करीत न्यायालयाने तोही अर्ज नामंजूर केला होता. त्यामुळे त्यांनी उच्च न्यायालयात धाव घेतली होती. तेथे मात्र त्यांना दिलासा मिळाला आहे.