जुन्नर : गोळेगावला विजयी उमेदवारांच्या विरुद्ध गुन्हा दाखल

जुन्नर : जिल्हाधिकारी यांच्या मनाई आदेशाचे उल्लंघन करून मिरवणूक काढल्याप्रकरणी गोळेगाव (ता. जुन्नर) येथील नवनिर्वाचित ग्रामपंचायत सदस्यांसह एकूण दहा जणांच्या विरोधात जुन्नर पोलीसांनी विविध कलमान्वये गुन्हा दाखल केला असल्याची माहिती पोलीस निरीक्षक विकास जाधव यांनी दिली.

- ताज्या बातम्यांसाठी डाऊनलोड करा ई-सकाळचे ऍप

याबाबत  पोलीस कॉन्स्टेबल नितीन लोहकरे यांनी फिर्याद दिली आहे. पोलिसांनी हर्षल विजय जाधव, गुलाब भालचंद्र लोखंडे, अर्चना राजेंद्र ताम्हाणे, लता तुकाराम बिडवई, शिवाजी मारुती घोगरे , अरविंद चंद्रकांत बिडवई, संजय गंगाराम खंडागळे, गणपत सोनू आधाण, शांताराम विश्वास जाधव , सुनिता विठ्ठल मोधे सर्व रा. गोळेगाव व इतर दहा ते बारा जणांच्या विरोधात गुन्हा दाखल केला आहे.

PSI महिला अधिकाऱ्याशी लव्ह मॅटर; पोलिस शिपायाने ठाण्याच्या टेरेसवरुनच मारली उडी​

सोमवार (ता. १८) रोजी दुपारी लेण्याद्री रस्त्यावरील ठाकरवस्ती समोर ही घटना घडली. ग्रामपंचायत निवडणुकीच्या मतमोजणीनंतर विजयी उमेदवारांची रॅली सुरू असल्याबाबत माहिती मिळाल्याने ही कारवाई करण्यात आली असल्याचे पोलिसांनी सांगितले. 

- पुण्याच्या बातम्या वाचण्यासाठी येथे ► क्लिक करा

(संपादन : सागर डी. शेलार)