कोण होणार पालकमंत्री?

Mantralaya-Mumbai
Mantralaya-Mumbai

पुणे - लोकसभा निवडणुकीत गिरीश बापट यांच्या विजयाने रिक्त झालेल्या पालकमंत्रिपदावर कोणाची वर्णी लागणार, यावरून आता चर्चेला सुरवात झाली आहे. येत्या काही दिवसांत मंत्रिमंडळाचा विस्तार होणार आहे. त्यामध्ये शहर- जिल्ह्यातील कोणत्या नेत्याची वर्णी लागणार यावर हे पद स्थानिक नेत्याला मिळणे अवलंबून असेल. 

या पदासाठी शहर- जिल्ह्यातील अनेक नेते इच्छुक आहेत. हे हेरून लोकसभा निवडणुकीत याचा योग्य वापर पक्षश्रेष्ठींकडून करण्यात आला. पिंपरी-चिंचवडमधील आमदार लक्ष्मण जगताप, दौंडचे आमदार राहुल कुल, मावळचे आमदार बाळा भेगडे यांच्यासह पुणे शहरातील आमदार माधुरी मिसाळ, राज्यमंत्री दिलीप कांबळे या पदासाठी इच्छुक आहेत. 

मंत्र्याकडेच पालकमंत्रिपदाची जबाबदारी दिली जाते. येत्या काही दिवसांत मंत्रिमंडळाचा विस्तार होण्याची शक्‍यता आहे. बापट यांच्याकडे तीन खात्यांचा कार्यभार आहे. मंत्रिमंडळ विस्तारामध्ये त्यांची खाती कोणाकडे जाणार, शहर- जिल्ह्यातील कोणत्या नेत्याची वर्णी लागणार यावर पालकमंत्रिपदाची माळ कोणाच्या गळ्यात पडणार हे ठरेल. शहर अथवा जिल्ह्यातील इच्छुकांना संधी मिळाली, तर पालकमंत्रिपद त्यांच्याकडे जाईल, असे पक्षातील नेत्यांचे म्हणणे आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com