पावसामुळे वातावरणात झालेल्या बदलामुळे फळांना मागणी नाही; पेरू, चिक्कूच्या दरात घट

पुणे - पावसामुळे वातावरणात झालेल्या बदलामुळे फळांना मागणी नाही. त्यामुळे लिंबाच्या भावात गोणीमागे 50 ते 70 रुपयांनी, पेरू आणि चिक्कूच्या भावात अल्पशी घट झाली आहे. आवक घटल्याने केवळ कलिंगडाच्या भावात किलोमागे 4 ते 5 रुपयांनी वाढ झाली आहे. मागणी आणि पुरवठा यातील समतोलामुळे उर्वरित सर्व फळांचे भाव गेल्या आठवड्याच्या तुलनेत स्थिर असल्याची माहिती व्यापारी युवराज काची यांनी दिली. 

ताज्या बातम्यांसाठी डाऊनलोड करा ई-सकाळचे ऍप

रविवारी येथील बाजारात केरळ येथून अननस 3 ट्रक, मोसंबी 40 ते 50 टन, संत्री 20 ते 24 टन, डाळिंब 100 टन, पपई 15 ते 20 टेम्पो, लिंबे एक ते दीड हजार गोणी, पेरू 700 क्रेटस्‌, चिक्कू 700 गोणी, कलिंगड 4 ते 5 टेम्पो, सीताफळ 15 ते 20 टन, खरबुजाची 2 ते 3 टेम्पो आवक झाली. 

फळांचे भाव पुढीलप्रमाणे : लिंबे (प्रति गोणी) : 150-250, अननस (डझन) : 70-270, मोसंबी : (3 डझन) : 160-320, (4 डझन ) : 60-130, संत्री : (10 किलो) : 100-500, डाळिंब (प्रति किलोस) : भगवा : 40-150, गणेश : 5-25, आरक्ता 10-60. कलिंगड : 10-25, खरबूज : 15-30, पपई : 10-15, चिक्कू : 100-500, पेरू : 250-400, सीताफळ 5-80. 

पुण्याच्या बातम्या वाचण्यासाठी येथे ► क्लिक करा

प्रतीक्षा नवरात्रोत्सवाची...! 
मंदिर सुरू झालेली नाहीत, तसेच लग्न आणि इतर कार्य नसल्याने फुलांना फारसा उठाव नाही. परिणामी फुलांना भाव कमी मिळत आहे. त्यामुळे अनेक शेतकऱ्यांनी बाजारात माल आणणे कमी केले आहे. येत्या शनिवारी नवरात्र उत्सवाला सुरुवात होत आहे. या काळात फुलांना मागणी वाढण्याची शक्‍यता असल्याचा अंदाज अखिल फूल बाजार अडते असोसिएशनचे अध्यक्ष अरुण वीर यांनी वर्तविला आहे. 

देशभरातील बातम्या वाचण्यासाठी येथे ► क्लिक करा

फुलांचे प्रतिकिलोचे दर पुढीलप्रमाणे : झेंडू : 10-20, गुलछडी : 8-40, अस्टर : जुडी 11-15, सुट्टा 40-60, कापरी : 10-20, शेवंती : 30-70, (गड्डीचे भाव) गुलाबगड्डी : 5-15, गुलछडी काडी : 10-20, डच गुलाब (20 नग) : 30-50, लिलिबंडल : 8-20, जरबेरा : 10-20. बिजली 40-80 

जगभरातील बातम्या वाचण्यासाठी येथे ► क्लिक करा