हातभट्टीची दारू वाहतूक करणाऱ्याला केले जेरबंद

पुणे - फुरसुंगीतील सोनार पुलाजवळ हडपसर पोलीस स्टेशनच्या मार्शलने संशयावरून बोलेरो पिक-अपची तपासणी केली असता, त्याध्ये ७७० लीटर हातभट्टीची दारू आढळून आली. बोलेरो पिकअपचालकाला अटक करून आठ लाख ९ हजार ४०० रुपयांची हातभट्टीची दारू जप्त केली.

दिनेश साधू सहानी (वय ३८, रा. शितळादेवी चौक, आकुर्डी, पुणे) असे अटक केलेल्याचे टेम्पोचालकाचे नाव आहे. याप्रकरणी मार्शल अतुल पंधरकर यांनी हडपसर पोलीस स्टेशनमध्ये फिर्याद दिली आहे. वरिष्ठ पोलीस निरीक्षक अरविंद गोकुळे, पोलीस उपनिरीक्षक दिगंबर सोनटक्के यांच्या मार्गदर्शनाखाली हडपसर पोलीस स्टेशनचे मार्शल तुकाराम गुरव, गणेश भिसे, अतुल पंधरकर, अंमलदार बजरंग धायगुडे यांच्या पथकाने ही कारवाई केली.