फुगेवाडी दुर्घटनेत मृत्यू झालेल्या मृतांच्या कुटुंबीयांना मदतीचा हात

Fugewadi-Incident
Fugewadi-Incident

फुगेवाडी दुर्घटनेत मृत्यू झालेल्या फायरमन विशाल जाधव यांच्या कुटुंबीयांना अपघाती विम्यापोटी एकूण २० लाख रुपये मिळणार आहेत, तर पत्नीला अनुकंपा तत्त्वावर पालिकेत रुजू केले जाणार आहे. तसेच मृत मजूर नागेश जमादार याच्या कुटुंबाला दोन लाख रुपये एवढी विमा रक्कम मिळू शकणार आहे.

अग्निशामक विभागात धोकादायक स्वरूपाचे काम करणाऱ्या अधिकारी व कर्मचाऱ्यांसाठी न्यू इंडिया इन्शुरन्स कंपनीकडे विमा उतरविण्यात आला आहे. त्याअंतर्गत जाधव यांच्या कुटुंबीयांना दहा लाख रुपये एवढी रक्कम मिळणार आहे.

राज्य शासकीय कर्मचारी समूह वैयक्तिक अपघात विमा योजना संबंधित कुटुंबाला दहा लाख रुपये अशी एकूण २० लाख रुपयांची रक्कम विम्यापोटी मिळणार आहे. ठेकेदाराने उतरविलेल्या विम्यामधून नागेश जमादारला दोन लाख रुपये मिळणार आहे. ठेकेदाराकडून जास्तीत जास्त मदत कुटूंबियाला देण्यासाठी प्रयत्न केले जातील.

पुरेशा संख्येअभावी जवानांची कसरत
शहरात आगीच्या घटनेसह बचाव व अतिजोखमीच्या दररोज सरासरी सात ते आठ घटना घडत आहेत. पुरेशा मनुष्यबळाअभावी जवानांना रोज तारेवरची कसरत करावी लागत आहे. शहरात जानेवारी ते ऑक्‍टोबर या दहा महिन्यांत लहान-मोठ्या ९७३ दुर्घटना शहरात घडलेल्या आहेत.

द्विसदस्यीय समिती करणार चौकशी
फुगेवाडी येथे रविवारी (ता. १) झालेल्या घटनेची चौकशी करण्यासाठी शहर अभियंता राजन पाटील आणि सहशहर अभियंता मकरंद निकम या दोघांची चौकशी समिती नेमली आहे. ही द्विसदस्यीय समिती सखोल चौकशी करून सविस्तर अहवाल देणार आहे. या घटनेत मृत्यू झालेल्या जवानाच्या पाठीशी महापालिका असून, कुटुंबाला आर्थिक मदत केली जाणार असल्याचे आयुक्त श्रावण हर्डीकर यांनी सांगितले. घटनेत प्रथम दर्शनी कंत्राटदार दोषी असल्याचे दिसून येत आहे. त्याच्याकडून लेखी खुलासा मागविला असल्याचे आयुक्तांनी सांगितले.

या वर्षातील दुर्घटना
जानेवारी    १०६ 
फेब्रुवारी    १०७
मार्च    १५६
एप्रिल    १४६
मे    ११८
जून    ९७
जुलै    ७४
ऑगस्ट    ५१
सप्टेंबर    ६७
ऑक्‍टोबर    ५१ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com