खुर्ची न दिल्याच्या रागातुन टोळ्याकडून तरुणांना मारहाण, कोयत्याने वार

पुणे - हॉटेलमध्ये बसण्यासाठी सराईत गुन्हेगारास खुर्ची न दिल्याच्या रागातुन गुंडासह त्याच्या साथीदारांनी तरुणाला जबर मारहाण केली. त्यानंतर त्याच्यावर धारदार शस्त्राने वार करुन केले. तसेच दुकानांवर दगडफेक करीत टोळक्‍याने दहशत निर्माण केली. हि घटना का कात्रज-कोंढवा रस्त्यावर घडली.

याप्रकरणी रुपेश घोरे, शुभम नाईक, अंक्‍या भोसले, अर्जुन उर्फ भावड्या जगताप, गणेश इंगळे, सोमा यांच्यासह त्यांच्या साथीदारांविरुद्ध गुन्हा साथीदारां विरोधात गुन्हा दाखल करण्यात आला. याप्रकरणी लक्ष्मण मसय्या बंगारी (वय 23, रा. सिद्धार्थनगर, बिबवेवाडी) यांनी कोंढवा पोलिस ठाण्यात फिर्याद दाखल केली. या मारहाणीत फिर्यादी बंगारी, त्याचे मित्र राहुल खरात, मयूर भडाव्वे, गौस शेख जखमी झाले आहेत.

पोलिसांनी दिलेल्या माहितीनुसार, रुपेश घोरे हा सराईत गुन्हेगार आहे. घोरे व त्याचे साथीदार कात्रज-कोंढवा रस्त्यावरील एका हॉटेलमध्ये रात्री आले होते. त्यावेळी बंगारी, खरात, भडाव्वे तेथे चहा पित होते. आरोपी घोरेने त्यास बसण्यासाठी फिर्यादी बंगारी यास खुर्ची मागितली. मात्र बंगारीने त्यास नकार दिल्यानंतर घोरे व त्याचे साथीदार चिडले. त्यांनी आरडाओरडा करुन दहशत माजविली. "आम्ही या परिसरातील भाई आहोत. आमच्या नादी लागू नका, ' अशी धमकी देत त्यांनी फिर्यादी व त्याच्या मित्रांना शिवीगाळ करण्यास सुरुवात केली.

त्यानंतर टोळक्‍याने कोयत्याने शेखवर वार केला. तर फिर्यादी बंगारीला दांडक्‍याने मारहाण करुन त्यांच्यावरही वार केला. खरात व भडाव्वे यांना मारहाण करुन त्यांच्या दुचाकीची तोडफोड केली. तसेच हॉटेल, बार व दुकानावर दगडफेक करुन दहशत निर्माण केली.