‘आयुषमान’बाबत अनभिज्ञता

पुणे - गेल्या तीन महिन्यांत आजारी असलेल्या शहरी गरीब गटातील ९३ टक्के नागरिकांना ‘आयुषमान भारत’ या योजनेची माहिती नसल्याचे सेंटर फॉर ॲडव्होकसी ॲण्ड रिसर्चने (सिफार) केलेल्या सर्वेक्षणातून समोर आले आहे. सर्वेक्षणातून शहरी गरीब लाभार्थ्यांपर्यंत सरकारी योजना पोहोचते का? त्यांना मिळणाऱ्या मूलभूत सार्वजनिक सेवा सुविधांबाबतची परिस्थिती जाणून घेण्याचा या सर्वेक्षणातून प्रयत्न केला गेला. 

ताज्या बातम्यांसाठी डाऊनलोड करा ई-सकाळचे ऍप

सर्वेक्षणानुसार ०.८ टक्के व्यक्तींकडे कोणतेच ओळखपत्र नसल्यामुळे कोणत्याही सरकारी योजनांपासून ते वंचित राहिले आहेत. सहा टक्के शहरी गरिबांकडे आधार कार्ड, नऊ टक्के (७९) व्यक्तींकडे पॅन कार्ड आणि सात टक्के (८३) व्यक्तींकडे मतदार ओळखपत्र नसल्याचे निदर्शनास आले. असंघटित क्षेत्रात काम करण्याऱ्या सात टक्के नागरिकांकडे रेशन कार्ड नाही. एकूण ३० टक्के शहरी गरीब नागरिक मागील तीन महिन्यांत आजारी होते. त्यातील ९३ टक्के नागरिकांना आयुषमान भारत या योजनेची माहिती नसल्याचे आढळून आले. 

पुणे : ...अन् मामासमोरच भाच्याने सोडला जीव

बांधकाम मजूर, घरकामगार, रोजमजुरी कामगार, घरबसल्या काम करणारे कामगार, किरकोळ विक्रेते आणि एचआयव्हीसह जगणाऱ्या व्यक्ती या मुख्य जनसमुदायांनी गंभीर आजारांच्या उपचारांसाठी अर्थसाहाय्य आणि चांगल्या दर्जाची आरोग्य सेवा यांना सर्वोच्च प्राधान्य दिले आहे. येरवडा आणि विश्रांतवाडीतील २७ वस्त्यांमध्ये हे सर्वेक्षण करण्यात आले, अशी माहिती सिफारचे राज्य प्रकल्प समन्वयक प्रमोद गोगावले यांनी दिली.