इंदापूरचा दुष्काळ हटणार - दत्तात्रेय भरणे

सकाळ वृत्तसेवा
Friday, 21 February 2020

अजित पवार यांचा पाठपुरावा
चालू वर्षी धरणामध्ये चांगले पाणी आहे. तालुक्‍यातील २२ गावांसह सर्वच शेतकऱ्यांना उन्हाळ्यामध्ये कालव्याचे पाणी मिळणे गरजचे होते. अजित पवार यांच्या पाठपुराव्याला तालुक्‍यातील शेतकऱ्यांना दिलासा मिळाला आहे. उन्हाळ्यामध्ये शेतकऱ्यांना मुबलक पाणी मिळणार असल्याने इंदापूरकर अजितदादांना कधीच विसरणार नसल्याचे भरणे यांनी सांगितले.

वालचंदनगर - नीरा देवघर व गुंजवणी धरणाच्या पाण्याच्या फेरवाटपाच्या निर्णयामुळे इंदापूर, बारामती व पुरंदर तालुक्‍यांतील शेतकऱ्यांना दिलासा मिळाला आहे. पाणीवाटपाचा निणर्याचा सर्वाधिक फायदा इंदापूर तालुक्‍यातील शेतकऱ्यांना होणार आहे.

भाजपने विधानसभा निवडणुकीपूर्वी नीरा देवघर व गुंजवणी धरणाच्या पाण्याचे फेरनियोजन केल्यामुळे इंदापूर व बारामती तालुक्‍यातील शेतकरी हवालदिल झाले होते.

ताज्या बातम्यांसाठी डाऊनलोड करा ई-सकाळचे ऍप

इंदापूर तालुक्‍यातील शेतकऱ्यांना मार्चनंतर सुरू होणाऱ्या ऐन उन्हाळ्यामध्ये पाणी टंचाईच्या समस्येला सामोरे जावे लागणार होते. इंदापूर तालुक्‍यातील ४६ क्रमांकाच्या वितरिकेच्या खालील २२ गावातील शेतकऱ्यांना उन्हाळी हंगामातील पाणी मिळण्याची शास्वती नसल्याने हजारो एकर क्षेत्रावरील पिके जळून जाण्याचा धोका निर्माण झाला होता. कालव्याचे पाणी मिळणार नसल्यामुळे शेतकरी पीकपद्धती बदलण्याच्या विचारामध्ये होते. भरणे यांनी विधानसभा निवडणुकीपूर्वीपासून नीरा डाव्या व उजव्या कालव्याच्या पाण्याचा समतोल राखण्यासाठी सरकारकडे पाठपुरावा सुरू होता. भरणे यांच्या पाठपुराव्याला यश आले आहे. 

पिंपरी-चिंचवडमध्ये जुन्या मालमत्तांचे कर वाढणार

नीरा डाव्या कालव्याला ५५ टक्के  व उजव्या कालव्याला ४५ टक्के पाणी उपलब्ध होणार असल्याने उन्हाळ्यामध्ये नीरा डाव्या कालव्याला सुमारे ५ टीएमसी वाढीव पाणीसाठा मिळणार आहे. नीरा डाव्या कालव्याच्या लाभक्षेत्रामध्ये पुरंदर, बारामती व इंदापूर तालुक्‍यांचा समावेश आहे. ३७ हजार ७० हेक्‍टर क्षेत्र आहे. यामध्ये इंदापूर तालुक्‍यातील सर्वाधिक जास्त क्षेत्र असून तालुक्‍यातील २२ गावांच्या शेतीच्या पाण्याचा प्रश्‍न आहे.

राज्यमंत्री दत्तात्रेय भरणे यांनी मंत्रिपदाच्या शपथविधीनंतर तालुक्‍यातील शेतकऱ्यांना मुबलक पाण्याचे आश्‍वासन दिले होते. त्यांच्या प्रयत्नामुळे इंदापूर तालुक्‍यातील विशेषत: २२ गावांतील शेतकऱ्यांना उन्हाळ्यामध्ये मुबलक पाणी मिळणार आहे.
- नंदकुमार रणवरे, माजी उपसरपंच, निमसाखर


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Indapur famine will end dattatray bharne