जुन्नरला प्लॅस्टर ऑफ पॅरिसच्या वस्तूंच्या उत्पादनावर बंदी घालणार - शाम पांडे

जुन्नर - जुन्नर नगर पालिका प्रदूषण टाळण्यासाठी शहरात प्लॅस्टर ऑफ पॅरिस पासून बनणाऱ्या वस्तूंच्या उत्पादनावर बंदी घालणार असून त्यासाठी अशा व्यावसायिकांची बैठक घेऊन पुढील निर्णय  घेण्यात येणार असल्याचे नगराध्यक्ष शाम पांडे यांनी पत्रकारांना सांगितले.

नगर पालिकेची सर्वसाधारण सभा नुकतीच झाली यावेळी हा निर्णय घेण्यात आला. या सभेस उपनगराध्यक्ष अलका फुलपगार, गटनेते दीपेश परदेशी, दिनेश दुबे, जमीर कागदी, नगरसेवक समीर भगत, अवीन फुलपगार, भाऊ कुंभार, अंकिता गोसावी, सुवर्णा बनकर, कविता गुंजाळ, फिरोज पठाण, सना मंसुरी, मोनाली म्हस्के, अश्विनी गवळी, अक्षय मांडवे आदी नगरसेवक तसेच मुख्याधिकारी डॉ.जयश्री काटकर व सर्व विभाग प्रमुख उपस्थित होते. 
या सभेत स्वच्छता विषयास मंजुरी देण्यात आली. शहरात वाहनतळ पद्धती सुरू करण्याचा निर्णय घेण्यात आला. कर्मचाऱ्यांना दिवाळीसाठी सानुग्रह अनुदान देण्याचे ठरले. व्यापारी संकुलातील गाळ्यासाठी मुदतवाढ देण्याचा निर्णय घेण्यात आला. अंदाजपत्रकानुसार सुमारे दोन कोटी रुपये खर्चाच्या विविध विकास कामांना मंजुरी देण्यात आली असल्याचे त्यांनी सांगितले.