करंदीच्या माळरानावर त्यांनी पेरला पाऊस

करंदी (जि. पुणे) - येथील वनविभागाच्या जमिनीत सीडबॉलचे पूजन करून ते पेरताना तनिष्का.
करंदी (जि. पुणे) - येथील वनविभागाच्या जमिनीत सीडबॉलचे पूजन करून ते पेरताना तनिष्का.

पुणे - आसमंत हिरवागार झालेला... पावसाची भुरभुर... लाल वाटा, चरांना वेढणारा ओढा आणि निवांत माळरान, अशा सुखद वातावरणात तनिष्का सदस्यांनी उत्साहाने सीडबॉल मातीत अलगदपणे ठेवले. गेले तीन आठवडे जिद्दीने तयार केलेले तब्बल ७ लाखांहून अधिक सीडबॉल पेरून तनिष्कांनी जणू पाऊसच पेरला.

‘तनिष्का व्यासपीठ’च्या माध्यमातून ‘चला पाऊस पेरूया’ या उपक्रमांतर्गत रेन वॉटर हार्वेस्टिंग संदर्भात जनजागृती आणि सीडबॉल तयार करणे, असे दोन प्रकल्प तनिष्का सदस्यांनी हाती घेतले आहेत. राज्यभरात सुरू असलेल्या या प्रकल्पासाठी पुणे शहर-जिल्ह्यातील तनिष्का सदस्यांनी शालेय विद्यार्थ्यांच्या मदतीने सुमारे ७ लाखांहून अधिक सीडबॉल तयार केले. त्यासाठी विद्यार्थ्यांना त्याचे प्रशिक्षण देण्यात आले. शाळांनीही या उपक्रमाला सकारात्मक प्रतिसाद दिला. सातारा रस्ता, बिबवेवाडी, अप्पर इंदिरा नगर, धनकवडी, कात्रज, दत्तनगर, आंबेगाव, कोंढणपूर रस्ता परिसर, पुरंदर परिसरातील सुमारे ३० हून अधिक शाळा यात सहभागी झाल्या.  

भोर उपविभागीय वनअधिकारी आशा भोंग, वनपरीक्षेत्र अधिकारी ए. आर. लांडगे यांच्या मार्गदर्शनाखाली नसरापूर येथील करंदी गावाच्या हद्दीतील वनविभागाच्या जमिनीवर हे सीडबॉल उधळण्यात आले. याप्रसंगी नसरापूरचे वनपाल सचिन जाधवर, वनरक्षक नवनाथ पगडे, निखिल भगत यांच्यासह पुणे शहर, भोर, नसरापूर, सासवड परिसरांतील तनिष्का सदस्य मोठ्या संख्येने उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com