हवेलीकरांनो, आतातरी जागे व्हा...कोरोना रुग्णांचे आकडे धक्कादायक 

लोणी काळभोर (पुणे) : हवेली तालुक्यात आज दिवसभरात कोरोनाचे ३४ नवीन रुग्ण आढळुन आले. त्यामुळे तालुक्यातील अॅक्टिव्ह रुग्णांची संख्या २९० वर पोचली आहे. 

रांजणगाव गणपती येथील तिघांची कोरोनावर मात

हवेली तालुक्यात आज आढळुन आलेल्या ३४ कोरोना रुग्णांपैकी मांजरी बुद्रुक (दहा), देहू (नऊ), लोणी काळभोर (चार), कदमवाकवस्ती (दोन), या चार बड्या ग्रामपंचायत हद्दीत तब्बल 25 रुग्ण आढळुन आले आहेत. तर, उर्वरीत नऊ रुग्ण हे थेऊर (एक), खडकवासला (तीन), आगळंबे (एक), नांदेड (एक), कुंजीरवाडी (एक), उरुळी कांचन (दोन), अशा सहा ग्रामपंचायतीत आढळून आले आहे. मंगळवारी दिवसभरात तीन रुग्णांचा मृत्यू झाला आहे, अशी माहिती हवेलीचे आरोग्य अधिकारी डॉ. सचिन खरात यांनी दिली. 

दुरुस्तीसाठी थांबलेल्या लालपरीला अचानक आग

पूर्व हवेलीमधील लोणी काळभोर, मांजरी बुद्रुक, उरुळी कांचन व कदमवाकवस्ती ग्रामपंचायत हद्दीत मागिल तीन दिवसांपासून कोरोनाचे रुग्ण वाढीचा वेग मंदावला होता. मात्र, कालपासून वरील चारही ग्रामपंचायत हद्दीत कोरोना रुग्णांचा वेग वाढला आहे. मागिल दोन दिवसात उरुळी कांचन (सहा), मांजरी बुद्रुक (अकरा), लोणी काळभोर (पाच), कदमवाकवस्ती (दोन) या चार ग्रामपंचायत हद्दीत तब्बल 24 रुग्ण आढळून आले आहेत. विशेष बाब म्हणजे त्यात महिलांचे प्रमाण वाढू लागले आहे. 

पुण्याच्या इतर बातम्या वाचण्यासाठी येथे क्लिक करा  

डॉ. सचिन खरात यांनी सांगितले की, हवेली तालुक्यात आजपर्यंत कोरोनाचे ५८९ रुग्ण आढळुन आलेले आहेत. आज सायंकाळपर्यंत २८८ रुग्ण उपचारानंतर घरी परतले आहे. तर, 290 रुग्ण अॅक्टिव्ह आहेत. रुग्ण दुप्पट होण्याचा वेग अकरा दिवसांवर पोचला असून, मंगळवारी दिवसभरात देहू (एक), गुजर-निंबाळकरवाडी (एक) व नऱ्हे (एक) या ग्रामपंचायत हद्दीतील तीन रुग्णांचा मृत्यू झाला आहे. 

बिनकामाच्या गर्दीमुळे कोरोनाला आमंत्रण 
लोणी काळभोर व कदमवाकवस्ती या दोन्ही ग्रामपंचायती प्रशासकीयदृष्ट्या वेगवेगळ्या असल्या, तरी गाव मात्र लोणी काळभोरच सांगितले जाते. मागिल दहा दिवसांपासून या दोन्ही गावात कोरोनाचे रुग्ण अपेक्षेपेक्षाही वेगाने वाढत आहेत. लोणी काळभोर हद्दीत दहाहून अधिक, तर कदमवाकवस्ती ग्रामपंचायत हद्दीत दहाहून अधिक नागरिक कोरोना अॅक्टीव्ह आहेत. मात्र, दोन्ही गावातील नागरिक विनामास्क घराबाहेर पडत आहेत. दोन्ही गावातील पाच प्रमुख चौकात होणारी बिनकामाची गर्दी कोरोना आमंत्रण देत असल्याचे दिसत आहे. कोणीही याबाबत काळजी घेत नसल्याचे चित्र आहे. त्यामुळे लोणीकरांनो आतातरी जागे व्हा व कोरोनाला रोखण्यासाठी काळजी घ्या, असे म्हणण्याची वेळ प्रशासनावर आली आहे.