शिक्रापूर - पिंपळे खालसा (ता. शिरूर) येथील पद्मावती वस्तीतील अविनाश गावडे यांच्या शेतात उसाची तोड सुरू आहे. त्यावेळी उसाच्या फडात दोन बिबट्याचे बछडे आढळले होते. याबाबतची माहिती मिळताच वनपरिमंडळ अधिकारी गौरी हिंगणे यांच्या पथकाने या दोन्ही बछड्यांना दुधाची व्यवस्था करून तिथेच सोडले, त्याच रात्री दोन्ही बछड्यांच्या मादीआईने त्यांना तिथून हलविले.
याबाबत वनखात्याचे कर्मचारी व स्थानिकांनी दिलेली माहिती अशी की, बुधवारी (ता. २६) रोजी पिंपळे खालसा (ता.शिरूर) येथील पद्मावती वस्तीतील अविनाश गावडे यांच्या शेतात उसाची तोड चालू असताना उसाच्या फडात दोन बिबट्याचे बछडे आढळले होते. एकाच ठिकाणी दोन बछडे दिसल्याने उपस्थित सर्वच जण घाबरले होते. कारण जवळच बिबट्या असण्याची शक्यता होती.
अशातच गावडे यांनी वनखात्याला ही माहिती कळविली असता, वनपरिमंडळ अधिकारी गौरी हिंगणे यांनी नियतक्षेत्र अधिकारी बबन दहातोंडे, रेस्क्यूटीमचे शेरखान शेख, अमोल कुसाळकर, शुभम वाघ, सर्पमित्र श्रीकांत भाडळे, आमीर शेख यांचेसमवेत या ठिकाणी धाव घेतली.
परिस्थिती पाहून त्यांनी सध्या चालू असलेली ऊसतोड पुढील दोन दिवस बंद करण्याची विनंती शेतकरी अविनाश गावडे यांना केली. कारण, बिबट बछड्यांना भेटण्यासाठी बिबटआई या ठिकाणी येण्याची शक्यता असल्याचे वनखात्याकडून सांगण्यात आले. त्यानुसार बछड्यांना दूधही तिथे ठेवण्यात आली. या उपायाने त्याच रात्री बिबटमादी त्या शेतात आली व तिने दोन्ही बछड्यांना सुरक्षित नेल्याचे वनखात्याच्या निदर्शनास आले.
वनविभागाचे आवाहन
दरम्यान, अशा पद्धतीने कुणाच्या शेतात बिबट्याची पिले आढळल्यास तत्काळ वनखात्यास कळविण्याचे आणि अशा ठिकाणी कुणीही न जाण्याचे आवाहन वनपरिमंडळ अधिकारी गौरी हिंगणे यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.