विजयस्तंभ अभिवादन प्रतिकात्मक स्वरुपात करूया - डॉ. राजेश देशमुख

कोरेगाव भीमा - विजयस्तंभास अभिवादन करताना जिल्हाधिकारी डॉ. राजेश देशमुख. या वेळी उपस्थित अन्य अधिकारी-कर्मचारी.
कोरेगाव भीमा - विजयस्तंभास अभिवादन करताना जिल्हाधिकारी डॉ. राजेश देशमुख. या वेळी उपस्थित अन्य अधिकारी-कर्मचारी.

पुणे - कोरोनाच्या पार्श्‍वभूमीवर हवेली तालुक्‍यातील पेरणे फाटा (कोरेगाव भीमा) येथे एक जानेवारी रोजी आयोजित विजयस्तंभ अभिवादन कार्यक्रम प्रतिकात्मक स्वरूपात शांततेने आणि संयमाने साजरा करण्याचे आवाहन जिल्हाधिकारी डॉ. राजेश देशमुख यांनी केले.

- पुण्याच्या बातम्या वाचण्यासाठी येथे ► क्लिक करा

कोरोनाच्या पार्श्वभूमीवर विजयस्तंभ अभिवादन कार्यक्रमानिमित्त नियोजन आढावा बैठक शनिवारी (ता. 12) जिल्हाधिकारी डॉ. देशमुख यांच्या अध्यक्षतेखाली विजयस्तंभाजवळ घेण्यात आली. या वेळी जिल्हा पोलिस अधीक्षक डॉ. अभिनव देशमुख, जिल्हा परिषदेचे मुख्य कार्यकारी अधिकारी आयुष प्रसाद, अतिरिक्‍त पोलिस अधीक्षक मिलिंद मोहिते, विवेक पाटील, उपविभागीय अधिकारी सचिन बारावकर, तहसीलदार सुनील कोळी, लैला शेख आदी उपस्थित होते. 

डॉ. देशमुख म्हणाले, कोरोना विषाणूवर अद्याप लस आलेली नाही. तसेच, कोरोना विषाणूची दुसरी लाट येण्याची शक्‍यता लक्षात घेऊन नागरिकांनी कार्यक्रमास गर्दी करु नये. अशा परिस्थितीत योग्य पध्दतीने अभिवादन कार्यक्रम साजरा करत असताना आपल्या सर्वांच्या आरोग्याची काळजी घेण्याची जबाबदारी प्रशासनावर आहे. हा कार्यक्रम शांततेने पार पाडण्यासाठी सर्वांनी प्रशासनाला सहकार्य करावे. बैठकीपूर्वी विजयस्तंभास जिल्हाधिकारी डॉ. देशमुख यांनी अभिवादन केले. 

जिल्हा पोलिस अधीक्षक डॉ. देशमुख म्हणाले, विजयस्तंभ अभिवादन कार्यक्रम साजरा करताना कायदा व सुव्यवस्था राखण्यासाठी पोलिसांना नागरिकांनी सहकार्य करावे. कोरोना संकट लक्षात घेऊन यावर्षी सर्व सण-समारंभ साधेपणाने साजरे करण्यात आले आहेत. पेरणे विजयस्तंभ अभिवादन कार्यक्रमात गर्दी होऊन कोरोनाचा प्रादुर्भाव वाढणार नाही, याची दक्षता घेत कार्यक्रम साजरा करुया.

Edited By - Prashant Patil

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com