- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे : पुण्यातल्या हाय व्हॉल्टेज अशा समजल्या जाणाऱ्या कोथरूडमध्ये भाजपचे चंद्रकांत पाटील आघाडीवर आहेत. पण दुपारच्या टप्प्यात त्यांची आघाडी कमी झालेली असून केवळ 3900 मतांच्या आघाडीवर त्यांना समाधान मानावे लागत आहे. पाटलांनी 48 हजार 876 मतं मिळाली असून मनसेच्या किशोर शिंदेंना 44 हजार 893 मतं मिळाली आहेत. या फेरीअखेर पाटलांचे मताधिक्य 3900 इतके आहे.
भाजपचे प्रदेशाध्यक्ष व जिल्ह्याचे पालकमंत्री चंद्रकांत पाटील शेवटच्या क्षणी कोथरूड मतदारसंघातून निवडणुकीच्या रिंगणात उतरले. सर्व प्रमुख विरोधी पक्षांनीही या मतदारसंघात महाराष्ट्र नवनिर्माण सेनेचे उमेदवार किशोर शिंदे यांना पाठिंबा दिला. त्यामुळे, भाजपचा बालेकिल्ला मानला जात असलेल्या या मतदारसंघातील लढतीकडे राज्याचे लक्ष आहे.
चंद्रकांत पाटील हे पुण्याबाहेरील उमेदवार असल्याची टीका झाली. या भागातून दोनदा नगरसेवक म्हणून निवडून आलेले शिंदे स्थानिक उमेदवार असल्याचा प्रचार विरोधी पक्षांनी केला. मनसेचे नेते राज ठाकरे यांनी कोथरूड गावात सभा घेऊन प्रचारात रंग भरला.
पंतप्रधान नरेंद्र मोदी यांची प्रचारसभा पुण्यात झाली. मोदी यांची सभा मुख्यत्वे पाटील यांच्यासाठी झाली. पाटील यांच्या प्रचारासाठी पक्षाची केंद्राची व राज्याची यंत्रणाही कामाला लागली होती. शहरातील भाजपची सर्व यंत्रणा या भागात दिवसरात्र प्रचारात होती. पाटील यांच्यासाठी खासदार गिरीश बापट यांनी मतदारसंघात तळ ठोकला होता. तरीदेखील सर्व विरोधी पक्षांनी एकच उमेदवार दिल्याने, तसेच शहरातील प्रचारातही पाटील यांना लक्ष्य केल्याने, प्रचाराच्या ऐन धामधुमीच्या काळात पाटील यांना अनेक दिवस या मतदारसंघात अडकून पडावे लागले.
कोथरूड मतदारसंघ हा पूर्वी शिवाजीनगर मतदारसंघाचा भाग होता. पूर्वीचा शिवाजीनगर व 2009 नंतर झालेला कोथरूड मतदारसंघात 1980 पासून भाजप-शिवसेना युतीचेच उमेदवार निवडून येत आहेत. यापूर्वी खासदार अण्णा जोशी, शिवसेनेचे माजी मंत्री शशिकांत सुतार, शिवसेनेचे विनायक निम्हण, चंद्रकांत मोकाटे यांनी मतदारसंघाचे प्रतिनिधीत्व केले. भाजपच्या विद्यमान आमदार मेधा कुलकर्णी यांच्याऐवजी चंद्रकांत पाटील यांना उमेदवारी देण्यात आली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.