Vidhan Sabha 2019 : आघाडीच्या नेत्यांना सत्तेची लालसा - पंकजा मुंडे

विधानसभा 2019 : पिंपरी - ‘राष्ट्रवादी काँग्रेस व त्यांच्या नेत्यांना सत्तेची लालसा आणि अहंकार आहे. सत्तेशिवाय ते जगूच शकत नाहीत,’’ अशी टीका महिला व बालकल्याणमंत्री पंकजा मुंडे यांनी रविवारी थेरगावात केली. दरम्यान, त्यांच्या सभेत गोंधळ घालण्याचा प्रयत्न झाला. त्यांना पोलिसांनी ताब्यात घेतले व चौकशी करून सोडून दिले.

महायुतीच्या उमेदवारांच्या प्रचारासाठी आयोजित सभेत मुंडे बोलत होत्या. त्या म्हणाल्या, ‘‘शहरातील बहुतेक सर्व विकासकामे झाली आहेत. राहिलेले प्रश्‍न सोडविण्यासाठी स्वत: पुढाकार घेईन. राज्यातील जनता सुज्ञ आहे. 

ते पिंपरी-चिंचवडसह राज्यातही राष्ट्रवादीला दणका देतील. देश काँग्रेसमुक्त करण्याची घोषणा पंतप्रधान नरेंद्र मोदी यांनी आणि राज्य राष्ट्रवादीमुक्त करण्याचे स्वप्न मुख्यमंत्री देवेंद्र फडणवीस यांनी पाहिले आहे. ते साकार करायचे आहे. अनेक वर्षे सत्तेत असूनही काँग्रेस, राष्ट्रवादीच्या नेत्यांनी मराठा समाजाला आरक्षण दिले नाही. आमच्या सरकारने ते दिले आहे. सर्व जाती-धर्मांना न्याय देणारे आमचे सरकार आहे.’