Vidhan Sabha 2019 : भोसरी : आझम पानसरे यांचा विलास लांडेंना पाठिंबा

विधानसभा  2019 : पिंपरी - ‘विलास लांडे हे भोसरी मतदारसंघाचे दहा वर्षे आमदार होते. त्यांनीच या मतदारसंघाचा विकास केला आहे. ते कोणीही नाकारू शकणार नाही,’’ असे गौरवोद्‌गार काढले. 

माजी महापौर आझम पानसरे यांनी भोसरी मतदारसंघातील अपक्ष उमेदवार विलास लांडे यांना पाठिंबा जाहीर केला. गेल्या निवडणुकीत पानसरे यांनी ताकद महेश लांडगे यांच्या मागे लावली होती. पानसरे हे पिंपरी-चिंचवडच्या राजकारणातील ज्येष्ठ नेते आहेत. ते राष्ट्रवादी काँग्रेसचे सलग दोनवेळा शहराध्यक्ष राहिले आहेत. तसेच माजी महापौर, राज्य ग्राहक समिती अध्यक्षपदही त्यांनी भूषविले आहे. त्यांना शहरातील मुस्लिम आणि मागास समाजात मोठा मान आहे. त्यामुळे हा मतदार कायम त्यांच्या पाठीशी आहे. पानसरे यांच्या निवासस्थानी झालेल्या बैठकीत त्यांनी लांडे यांना पाठिंबा जाहीर केला. तसेच लांडे यांनी पुन्हा आमदार होऊन या मतदारसंघाचा विकास करावा, अशा शुभेच्छाही दिल्या. या वेळी लांडे यांच्यासह राष्ट्रवादी काँग्रेस शहराध्यक्ष संजोग वाघेरे व राष्ट्रवादीचे कार्यकर्ते उपस्थित होते.