Vidhan Sabha 2019 : ‘बूथ ॲप’मुळे पटणार मतदारांची ओळख

Booth-App
Booth-App

विधानसभा 2019 : पुणे - निवडणूक आयोगाने यंदा पहिल्यादांच ‘क्‍यूआर कोड’च्या माध्यमातून मतदारांची ओळख पटविण्याचा उपक्रम हाती घेतला आहे. यासाठी ‘बूथ ॲप’ हे नवीन ॲप तयार करण्यात आले आहे. मतदारांना या ॲपच्या माध्यमातून कोणत्याही कागदपत्रांशिवाय मतदारांना मतदानाची संधी मिळणार आहे.

राज्यात प्रायोगिक तत्त्वावर कसबा विधानसभा मतदारसंघात हा प्रयोग राबविण्यात येणार असल्याची माहिती जिल्हाधिकारी नवल किशोर राम यांनी दिली. 

जिल्हाधिकारी म्हणाले, ‘मतदान केंद्रामध्ये अधिकारी मतदाराची ओळख पटविण्यासाठी ओळखपत्राची मागणी करतात. ओळखपत्र दाखविल्यानंतर त्याची नोंद पुस्तिकेमध्ये करण्यात येते. प्रत्येक मतदाराचे ओळखपत्र तपासून त्याची नोंद घेण्यासाठी वेळ लागतो. यामुळे मतदान केंद्रांवर रांगा लागत असल्याने मतदारांना ताटकळत उभे रहावे लागते. यापासून मतदारांची सुटका व्हावी, विनाअडथळा मतदान करता यावे, यासाठी निवडणूक आयोगाने हे ॲप तयार केले आहे. कोणत्या बूथवर किती मतदान झाले, याची आकडेवारीही उपलब्ध होणार आहे.’

ज्यांच्याकडे ‘क्‍यूआर कोड’ नसेल, अशा मतदारांना त्यांची कागदपत्रे पाहून त्यांना मतदानाची संधी देण्यात येईल.
- नवल किशोर राम, जिल्हाधिकारी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com