सांगवीत श्री संत तुकाराम महाराज गाथा पारायण सोहळ्यास सुरूवात

पुणे : जुनी सांगवी येथील प.पु. अवधुत बालयोगी नंदकुमार महाराज यांच्या विसाव्या पुण्यस्मरण सोहळ्यानिमित्त दत्तआश्रमात अखंड हरिनाम सप्ताह व श्री संत  तुकाराम महाराज गाथा  पारायण सोहळ्याची सुरूवात करण्यात आली.

श्री. ह. भ .प.शांतीब्रम्ह मारूतीबाबा कु-हेकर यांच्या शुभहस्ते गाथा पुजन व वीणा पुजन करण्यात आले. यावेळी ह.भ.प.माधव महाराज इंगोले यांच्या हस्ते कलश पुजन व टाळ पुजन करण्यात आले. या अखंड हरिनाम सप्ताहात बुधवार (ता.२८) सायं.श्री कान्होबा महाराज देहुकर, गुरूवार ता.१ श्री.बाबा महाराज बो-हाडे लातुरकर, शुक्रवार (ता.२) वेदांताचार्य श्री लक्ष्मण महाराज चव्हाण सोलापुरकर,शनिवार (ता.३) श्री लक्ष्मण महाराज कोकाटे काटेवाडीकर,रविवार (ता. ४) ह.भ.प.शांताब्रम्ह मारूतीबाबा कु-हेकर, सोम.ता.श्री.संत भारतीदास महाराज कोठाळकर यांचे सायं ७ ते ९ किर्तन होणार आहे.

मंगळवार (ता. ६) सकाळी भागवताचार्य केशव महाराज उखळीकर यांचे काल्याचे किर्तन होईल. दुपारी १ ते ३ महाप्रसाद  याचबरोबर सोमवार (ता.५) मार्च सालाबादप्रमाणे सायंकाळी दिंडी मिरवणुक काढण्यात येणार आहे. तर गुढीपाडव्याच्या दिवशी प.पू.बालयोगी नंदकुमार महाराज यांच्या जयंती निमित्त तपपुर्ती सोहळा व प्रवचन सेवा होईल. या सप्ताहा निमित्त मंगळवार (ता. ६) विष्णु महाराज बोधले यांच्या मार्गदर्शनाखाली आयुर्वेद आरोग्य शिबिराचे आयोजन करण्यात आले आहे. यात वनस्पती परिचय, आहार, विविध रोगाविषयी माहिती व गो शाळेतील औषधे प्रात्यक्षिक व मार्गदर्शन करण्यात येणार आहे.तर गुरूवार ता.८ विविध आयुर्वेदीक काढे, ज्युस तयार करून मोफत वाटप करण्यात येणार आहे. या शिबिरादरम्यान संपुर्ण आरोग्याविषयीचे आहार सत्र नियमावली व मार्गदर्शन करण्यात येणार आहे.