पुणे रनिंग स्पोर्टसतर्फे  बालेवाडीत मॅरेथॉन 

पुणे ः येथील रवींद्रनाथ टागोर इंटरनॅशनल स्कूलमध्ये पुणे रनिंग स्पोर्टस फाउंडेशनतर्फे मॅरेथॉनचे आयोजन करण्यात आले होते. यामध्ये लहान मुलांसह ज्येष्ठ नागरिकांचा सहभाग उल्लेखनीय होता. 
जास्तीत जास्त नागरिकांमध्ये व्यायामाविषयी जागृती निर्माण होऊन धावपळीच्या जीवनात व्यायाम हा एक दैनंदिनी बनविणे या उद्देशाने मॅरेथॉनचे आयोजन करण्यात आले होते. 

सकाळी पाचपासून साडेसात वाजेपर्यंत तीन, पाच व सात किलोमीटरच्या अंतरासाठी ही मॅरेथॉन घेण्यात आली. सामाजिक स्तरावर वर्षभर फाउंडेशनच्या वतीने वेगवेगळे उपक्रम राबविले जातात. शहरातील विविध भागांत महिन्याच्या शेवटच्या रविवारी अशा प्रकारच्या मॅरेथॉनचे आयोजन करण्यात येते. फाउंडेशनचे शहरात एकूण चोवीस केंद्र असून, नागरिकांना तंदुरुस्त राहण्यासाठी वेगवेगळे व्यायाम येथे घेतले जातात. या सर्व सेवा फाउंडेशनचे सभासद विनामूल्य देत असतात. 

कार्यक्रमाच्या यशस्वितेसाठी फाउंडेशनचे राकेश मेहता, संदीप कोल्हटकर, प्रीती आरवाडे, सुधींद्र हरिभट, महेश नारकर, निखिल शहा आदींचे मोलाचे योगदान लाभले.