पुणे महापालिकेत मेगाभरती | Sakal
sakal

बोलून बातमी शोधा

Pune Municipal Corporation

पुणे महापालिकेच्या सर्वच विभागात रिक्त पदे आहेत. त्यातही वर्ग तीन व वर्ग चारची सुमारे १० हजार पद रिक्त असल्याने त्याचा परिणाम थेट कामकाजावर होत आहे.

पुणे महापालिकेत मेगाभरती

पुणे - पुणे महापालिकेच्या (Pune Municipal) विविध विभागात अभियंत्याची पदे (Engineer Post) रिक्त असल्याने कामकाजावर परिणाम (Efefct) होत असल्याने २०० कनिष्ठ अभियंत्याची पदे कायमस्वरूपी भरली जाणार आहेत. तर अग्निशमन दलातही २०० कंत्राटी कर्मचारी घेण्याचा निर्णय मंगळवारी (ता. २९) प्रशासनाने (Administrative) घेतला आहे. आरोग्य विभागातील आणि प्रशासन विभागातील पदांचीही भरती केली जाणार आहे.

पुणे महापालिकेच्या सर्वच विभागात रिक्त पदे आहेत. त्यातही वर्ग तीन व वर्ग चारची सुमारे १० हजार पद रिक्त असल्याने त्याचा परिणाम थेट कामकाजावर होत आहे. राज्य सरकारने महापालिकेला पदभरती करण्यास परवानगी दिलेली असून, सध्या सर्व विभागांकडून रिक्त जागांचा आढावा घेतला जात आहे. पण महापालिकेच्या बहुतांश विभागात कनिष्ठ अभियंता आवश्‍यक आहे, पण या पदावरील कर्मचारी नसल्याने एकाच कनिष्ठ अभियंत्यावर ताण येत आहे. तसेच आरोग्य विभागातील डॉक्टरांसह इतर अनेक पद रिक्त असल्याने महापालिकेच्या रुग्णालयावर परिणाम होत आहे. अग्निशमन दलानेही २०० कर्मचारी भरण्याचा प्रस्ताव महापालिकेला दिला आहे.

अशी आहे स्थिती...

  • पुणे महापालिकेतील सध्या ३४८ कनिष्ठ अभियंत्यांची पदे रिक्त

  • त्यापैकी २०० पदे मे महिन्यात भरली जाणार

  • प्रशासनातील पदे रिक्त असल्याने त्याचा कामकाजावर परिणाम

  • आरोग्य विभागात डॉक्टर, नर्ससह इतर पदांवर काम करण्यासाठी कर्मचारी नाहीत

  • या जागा कायमस्वरूपी भरण्यासाठी प्रस्ताव तयार करण्याचे काम सुरू

  • या पदांची संख्या किती असेल, हे स्पष्ट होऊ शकलेले नाही

कनिष्ठ अभियंत्यांची पदे रिक्त असल्याने २०० जणांची कायमस्वरूपी भरती केली जाणार आहे. याची प्रक्रिया मे महिन्यात सुरू होईल. या पदभरतीसाठी निकष व इतर नियम अद्याप निश्‍चित झालेले नाहीत, तसेच प्रशासनातील व आरोग्य विभागाच्या जागाही भरल्या जाणार आहेत. उपनगरांमध्ये महापालिकेने अग्निशमन केंद्र सुरू केली आहेत, पण तेथे कर्मचारी नसल्याने २०० जणांची कंत्राटी पद्धतीने नियुक्ती केली जाईल.

- विक्रम कुमार, आयुक्त, पुणे महापालिका

Web Title: Mega Recruitment In Pune Municipal Corporation

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top