- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे : खून प्रकरणी येथील सत्र न्यायालयाने सात आरोपींना सुनावलेली जन्मठेपेची शिक्षा
मुंबई उच्च न्यायालयाने तब्बल 22 वर्षानंतर रद्द करून सर्व आरोपीची रद्द निर्दोष मुक्तता केली. बारकू चंदर जगताप (वय 34), श्रीकांत खंडू माकर (वय 41), दत्तू सावळा भालेराव (वय 59), श्रीरंग दत्तू भालेराव (वय 29), निवृत्ती संतू यादव (वय 59), लहू दत्तू भालेराव (वय 26) आणि गेणभाऊ लक्ष्मण साठे (वय 32, सर्व रा. खुळे मुळशी) यांची सुटका करण्यात आली.
घटनेची माहिती अशी, 1993 साली बिरा कासकर व त्याचे नातेवाईक हे आपल्या कुटुंबासह खुळे येथे मुक्कामास आले होते. घटनेच्या दिवशी बारकू जगताप हा रस्त्याने जात असताना त्याच्या अंगावर कुत्रे भुंकले. त्यामुळे त्याने कुत्र्याला लाथ मारली व कासकर यांच्या कुटुंबाला शिवीगाळ केली. त्यावरून त्यांच्यात बाचाबाची झाली व जगताप याने परिसरातील लोकांना घेऊन येतो, अशी धमकी कासकर कुटुंबीयांनी दिली. त्यानंतर जगताप हा इतर आरोपींना घेऊन आला. सर्वांची मिळून बिरा व त्याच्या नातेवार्इकांना बेदम मारहाण केली. त्यात बिरा यांचा मृत्यू झाला असा आरोप त्यांच्यावर ठेवण्यात आला होता. पोलिसांनी सातही आरोपींना अटक करून त्यांच्या विरुद्ध, बेकायदा जमाव जमवून खून केल्याबाबतचे दोषारोपपत्र येथील सत्र न्यायालयात दाखल केले. 1997 साली त्याची सुनावणी झाली. सर्व आरोपींना पुणे सत्र न्यायालयाने दोषी ठरवून जन्मठेपेची शिक्षा दिली होती. या शिक्षेविरुद्ध आरोपींनी मुंबई उच्च न्यायालयात अपील केले होते. पुणे सत्र न्यायालयाचा निकाल हा चुकीच्या निष्कर्षावर असून, आरोपींच्या विरुद्ध काहीही पुरावा नसल्याचा बचाव आरोपींच्या वतीने ऍड. दीपक गिरमे, ऍड. नितीन देशपांडे आणि ऍड. सिद्दार्थ चपळगावकर यांनी केला.
या अपिलाची सुनावणी न्यायाधीश एस. एस. शिंदे व नितीन सूर्यवंशी यांच्या खंडपीठासमोर झाली. पोलिसांनी सदर केलेला पुरावा हा पुरेसा नाही. आरोपीची ओळखपरेड न घेणे, साक्षीदारांच्या जबाबातअसलेल्या विसंगती व तपासातील त्रुटी बचाव पक्षाने न्यायालयाच्या निदर्शनास आणून दिल्या. आरोपीचा बचाव मान्य करून, न्यायालयाने सर्व आरोपींना संशयाचा फायदा देऊन त्यांची जन्मठेप रद्द बातल ठरविली 22 वर्षांनंतर त्यांची निर्दोष मुक्तता केली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.