पुणे : नक्षलवाद्यांशी संबंध असल्याच्या संशयावरून अटकेत असलेले मानवाधिकार कार्यकर्ते अॅड. अरुण फरेरा, वेरनॉन गोंसालवीस, अॅड. सुधा भारद्वाज यांची पोलिस कोठडी संपल्याने त्यांना आज (मंगळवार) न्यायालयात हजर केले असता त्यांना 19 नोव्हेंबरपर्यंत न्यायालयीन कोठडीत ठेवण्याचे आदेश दिले.
यावेळी एसीपी डॉ. शिवाजी पवार यांनी पोलिस कोठडीत असताना 4 नोव्हेंबरला मारहाण केल्याचा आरोप आरोपी अॅड. अरुण फरेरा यांनी न्यायालयात केला. उजव्या डोळ्याखाली मारहाण झाल्याचे फरेरा यांनी न्यायाधीश आर. व्ही. अदोणे यांना दाखवले. एसीपी पवार यांनी आपला चष्मा तोडल्याचेही फरेरा यांनी न्यायालयाला सांगितले.
फरेरासह वेरनॉन गोंसालवीस, अॅड. सुधा भारद्वाज यांना पोलिस कोठडी संपल्याने न्यायालयात हजर करण्यात आले होते. यावेळी न्यायाधीश आर. व्ही. अदोणे यांनी फरेरासह तिघांना 19 नोव्हेंबरपर्यंत न्यायालयीन कोठडी दिली. पोलिस कोठडीचे हक्क अबाधित ठेवून न्यायालयीन कोठडी देण्यात आली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.