पुणे जिल्ह्यात माळेगाव व पारगाव दोन नवीन पोलिस ठाण्यांची निर्मिती होणार.... | Sakal
sakal

बोलून बातमी शोधा

new police station in malegaon and pargaon pune district baramati

पुणे जिल्ह्यात माळेगाव व पारगाव दोन नवीन पोलिस ठाण्यांची निर्मिती होणार....

बारामती - पुणे जिल्ह्यातील पोलिसांच्या कामकाजावरचा ताण कमी करण्याच्या उद्देशाने राज्याच्या गृह विभागाने माळेगाव व पारगाव या दोन नवीन पोलिस ठाण्यांच्या निर्मितीसाठी प्रारंभ केला आहे. राज्यशासनाच्या राजपत्रात या बाबत घोषणा करण्यात आली आहे. त्या मुळे आगामी काही महिन्यात नवीन पोलिस ठाण्यांची निर्मिती होणार आहे. विद्यमान पोलीस ठाण्यांवर असलेला कार्यभार कमी करणे व पोलिसांचे कामकाज अधिक प्रभावी करणे या उद्देशाने राज्याच्या गृह विभागाने माळेगाव व पारगाव या दोन नवीन पोलिस ठाण्यांच्या निर्मितीसाठी मान्यता दिली होती. आता लवकरच या ठाण्याची निर्मिती होईल अशी अपेक्षा व्यक्त केली जात आहे.

नवीन रचनेनुसार बारामती तालुका पोलीस ठाण्याच्या हद्दीमध्ये उंडवडी कडे पठार, गोजुबावी, जराडवाडी, बऱ्हाणपूर, शिर्सुफळ, साबळेवाडी, गाडीखेल, कटफळ, पारवडी, निंबोडी, जैनकवाडी, काटेवाडी, कन्हेरी, सावळ, ढेकळवाडी, सोनगाव, झारगडवाडी, मेखळी, सावंतवाडी, रुई, तांदुळवाडी, वंजारवाडी पोलीस ठाणे यांचा समावेश असेल. तर नव्याने होणाऱ्या माळेगाव पोलीस ठाणे अंतर्गत माळेगाव बुद्रुक, माळेगाव खुर्द, सांगवी, शिरवली, खांडज, पाहुणेवाडी, जळगाव कडेपठार, जळगाव सुपे, अंजनगाव, कऱ्हावागज, भिलारवाडी, नीरावागज, घाडगेवाडी, येळेवस्ती, कांबळेश्वर, ढाकाळे, मानाप्पावस्ती, धुमाळवाडी, पवईमाळ, सोनकसवाडी, नेपतवळण व मेडद या गावांचा समावेश होणार आहे.

वडगावनिंबाळकर पोलिस ठाण्याच्या हद्दीत वडगाव निंबाळकर, को-हाळे बुद्रुक, को-हाळे खुर्द, थोपटेवाडी, होळ, सदोबाचीवाडी, सस्तेवाडी, लोणीभापकर, पळशी, वाकी, चोपडज, मुढाळे, सायंबाची वाडी, मासाळवाडी, करंजे, निंबूत, मुर्टी, मोढवे, मुरुम, खंडोबाची वाडी, गडदरवाडी, वाघळवाडी, सोरटेवाडी, मगरवाडी, जोगवडी, चौधरवाडी, वाणेवाडी, मोराळवाडी, करंजेपूल, लाटे, माळवाडी, लाटे, कुरणेवाडी, पांढरवाडी, पिंगळेवस्ती, बजरंगवाडी, खामगळवाडी, शिरष्णे ही गावे असतील. माळेगाव पोलिस ठाण्याच्या निर्मितीमुळे बारामती तालुका पोलीस ठाणे वरील कार्यभार कमी होणार असून अधिक प्रभावी पद्धतीने पोलिसांचे कामकाज होईल अशी अपेक्षा व्यक्त केली जात आहे.

देहूरोड पोलिस ठाण्याच्या हद्दीत आता देहुगाव, देहुरोड, किवळे, विकासनगर, मामुर्डी, तळवडे, किन्हई, चिंचोली ही गावे तर रावेत पोलिस ठाण्याच्या हद्दीत रावेत, निगडी सेक्टर 26, किवळे, पुनावळे, पुनावळे माळवाडी ही गावे असतील. तळेगाव दाभाडे पोलिस ठाण्याच्या हद्दीत तळेगाव टाऊन, तळेगाव स्टेशन, सोमाटणे फाटा, शेलारवाडी, गहुंजे, ओझर्डे गावठाण, शिरगाव (खळवाडी- एक्स्प्रेस हायवेची डावी बाजू).

शिरगाव परंदवडी पोलिस ठाणे- आढे, उसे, परंदवाडी, धामणे, बेबड ओहोळ, चांदखेड, आढले खुर्द, आढले बुद्रुक, पुसाणे, पाचाणे, कुसगाव पमा, सांगवडे, दारुंब्रे, गोडुंब्रे, साळुंब्रे, गहुंजे गावठाण, सोमाटणे गावठाण, ओझर्डे (ओझरकर वस्ती, शेळकेवाडी, पारखेवस्ती), शिरगाव गावठाण (खळवाडी एक्सप्रेस हायवेची उजवी बाजू).

Web Title: New Police Station In Malegaon And Pargaon Pune District Baramati

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top