मित्राच्या डोक्यात दगड घालून खून करणाऱ्या अटक

खडकवासला : डोक्यात दगड घालून नऱ्हे येथे मित्राचा खून करणाऱ्या आरोपीला सिंहगड रोड पोलिसांनी येवलेवाडी परिसरातून अटक केल्याची माहिती पोलिस निरीक्षक सरदार पाटील यांनी दिली. 

नऱ्हे येथील अभिनव कॉलेज रोड, येथे बांधकामच्या ठिकाणी काम करणारा मजुर रजनीश ऊर्फ पपू राजघर पाटील याने त्याच्या रुममध्ये राहणारा व त्याचा जुना मित्र किरण काटकर याच्यासोबत सोमवारी 4 फेब्रुवारी रोजी झालेल्या भांडणाचा राग मनात घरून किरण काटकर याचे डोक्यात दगड घालून त्याचा खून करून पळून गेला होता.

नऱ्हे पोलिस चौकीचे प्रभारी
अधिकारी, सहाय्यक पोलिस निरीक्षक व्हि.बी.जगताप व सिंहगड रोड पोलिस ठाण्याचे अधिकारी, कर्मचारी हे पळून गेलेला आरोपी रजनीश ऊर्फ पप्पु राजधर पाटील याचा शोध घेत होते. दोन पथक तयार करून शोध सुरू होता. सिंहगड रोड पोलिस ठाण्याचे पोलिस नाईक निलेश जमदाडे, पोलिस शिपाई बालाजी जाधव व पोलिस शिपाई निलेश कुलथे यांना आरोपी पाटील हा येवलेवाडीला बाभळीची झाडे असलेल्या ठिकाणी लपून बसल्याची माहिती दिली. त्याने तो लपलेले ठिकाण पोलिसांना दाखविले. बाभळीचे झाडाखाली झोपलेल्या व्यक्तीस उठवुन त्यास ताब्यात घेतले. त्याला त्याचे नाव व पत्ता विचारता त्याने आपले नाव रजनीश ऊर्फ पप्पु राजधर पाटील, वय २९ वर्षे, रा. मु.पो. फागणे, ता.जि. धुळे असे सांगीतले. त्याला त्याचा मित्र किरण काटकर याच्या खुनाच्या गुन्हाबाबत विचारले असता. रागाच्या भरात त्याने तो खून केल्याचे कबुली दिली. त्याला पोलिस ठाण्यात आणून बुधवारी सायंकाळी अटक केली.