ट्विटरवर सुरू झाला onlyMpsc हॅगटॅग; विभागस्तरीय भरतीला विरोध

पुणे : राज्य सरकारने विभाग स्तरावर शासकीय भरती करण्याचा निर्णय रद्द करून थेट एमपीएससी द्वारे भरती करावी. हा निर्णय न घेतल्यास २ मार्च पासून उपोषण सुरू केले जाणार आहे, असा इशारा एमपीएससी समन्वय समिती व एमपीएससी स्टुडंट्स राईट्सने दिला आहे.

ताज्या बातम्यांसाठी डाऊनलोड करा ई-सकाळचे ऍप

राज्य सरकारवर दबाव निर्माण करण्यासाठी 
२४ फेब्रुवारी ते १ मार्च या दरम्यान सोशल मीडियावर मोहीम राबविली जाणार असून, यात रोज सकाळी ९.०० ते १०.०० आणि सायंकाळी ५.०० ते ६.०० या वेळेत हॅशटॅग #onlyMPSC याचा वापर करून फेसबुक, ट्विटर, इंस्टाग्राम, टेलिग्राम सर्व ठिकाणी वापरला जाणार आहे.सर्व स्पर्धा परीक्षेची तयारी करणाऱ्या विद्यार्थ्यांना या मोहिमेमध्ये जास्तीत जास्त संख्येने सहभागी व्हावे. परीक्षेमध्ये पारदर्शकता आणण्यासाठी व आपल्या सर्वांना न्याय मिळण्यासाठी या सर्व परीक्षा #महाराष्ट्र लोकसेवा आयोगाकडे देणे खूप महत्त्वाचे आहे. त्यामुळे आपण सर्वांनी या सोशल कॅम्पेनिंग मध्ये सहभागी होऊन #onlyMPSC  हा ट्रेंड सर्वांनी चालूयात असे आवाहन महेश बडे यांनी केले आहे. जर सरकारने १ मार्च पर्यंत निर्णयात सुधारणा केली नाही तर २ मार्चपासून पुण्यामध्ये उपोषणाला सुरुवात होणार, असा इशारा बडे यांनी दिला आहे.