अत्याचार झालेल्या मुलीला घेऊन पालक पसार

पिंपरी (पुणे)  : काळेवाडी येथील एका तीन वर्षीय मुलीवर लैंगिक अत्याचार झाल्याचा प्रकार घडला. यामुळे तिचे पालक पुढील तपासणीसाठी मुलीला घेऊन ससून रुग्णालयात गेले. मात्र पहाटेच्या सुमारास पालक मुलीसह रुग्णालयातून पळून गेले. ही घटना सोमवारी उघडकीस आली. त्यामुळे या प्रकरणातील गूढ आता वाढले आहे 

मुलीच्या गुप्तांगावर खाज येत असल्याने दिला तिच्या आईने वायसीएम रुग्णालयात दाखल केले. मात्र डॉक्टरांना वेगळ्या संशय आल्याने पीडित मुलीला पुढील तपासणीसाठी ससून रुग्णालयात पाठविले. ससून रुग्णालयातून वाकड पोलिस ठाण्यात सोमवार पहाटेच्या सुमारास याबाबत खबर देण्यात आली. या खबरीमध्ये पीडित मुलीचा पत्ता काळेवाडी येथील असल्याचे सांगण्यात आले. मात्र पोलिस रुग्णालयात जाण्यापूर्वीच पिडीत मुलीच्या पालकाने मुलीसह रुग्णालयातून पलायन केले. यामुळे बालिकेच्या या लैंगिक अत्याचार प्रकरणातील गूढ वाढले आहे. वाकड पोलीस याबाबत अधिक तपास करीत आहेत.