esakal | दाभोलकरांवर गोळ्या झाडलेले पिस्तुल सापडले अरबी समुद्राच्या तळाशी
sakal

बोलून बातमी शोधा

A pistol was found at bottom of the Arabian Sea used to shoot Dr. Dabholkar

सीबीआयच्या प्रयत्नांना आता यश आले असून डॉ. दाभोलकर यांच्या हत्येसाठी वापरलेले पिस्तूल अरबी समुद्राच्या तळाशी सापडले आहे. त्यामुळे दाभोलकर हत्या प्रकरणाच्या तपासात मदत होणार आहे. 

दाभोलकरांवर गोळ्या झाडलेले पिस्तुल सापडले अरबी समुद्राच्या तळाशी

sakal_logo
By
सकाळवृत्तसेवा

पुणे : महाराष्ट्र अंधश्रद्धा निर्मूलन समितीचे संस्थापक डॉ. नरेंद्र दाभोलकर यांच्या हत्येसाठी मारेकऱ्यांनी वापरलेल्या पिस्तुल शोधण्यात सीबीआयला यश आले आहे. नार्वेतील जलतरणपटुंनी अरबी समुद्राच्या तळातून पिस्तूल शोधून काढले आहे.  

ताज्या बातम्यांसाठी करा ई-सकाळचे ऍप 
 

सीबीआयद्वारे डॉ. नरेंद्र दाभोलकर यांच्या हत्येसाठी वापरण्यात आलेल्या पिस्तूलाचे अवशेष शोधण्याची मोहीम अरबी समुद्राच्या खाडीत सुरु होती. डॉ. दाभोलकर यांच्या मारेकऱ्यांनी ठाण्यातील खाडीत पिस्तुलाचे सुटे भाग टाकल्याचा दावा पोलिसांनी केला आहे. शस्त्राचे अवशेष शोधण्यासाठी परदेशातून पाणबुड्यांना बोलावण्यात आले होते, तरी त्यास यश येत नव्हते. सीबीआयच्या मागणीवरून न्या. सत्यरंजन धर्माधिकारी आणि न्या. रियाज छागला यांच्या खंडपीठाने या मोहिमेला आतापर्यंत दोन वेळा मुदतवाढ दिली होती. सीबीआयच्या प्रयत्नांना आता यश आले असून डॉ. दाभोलकर यांच्या हत्येसाठी वापरलेले पिस्तूल अरबी समुद्राच्या तळाशी सापडले आहे. त्यामुळे दाभोलकर यांच्या मारेकऱ्यांच्या तपासात मदत होणार आहे.

कोरोनाविरुद्ध लढण्यासाठी हिंदू महासभेकडून गोमूत्र पार्टी

डॉ. दाभोलकर यांची हत्या ऑगस्ट 2013 मध्ये पुण्यात आणि भारतीय कम्युनिस्ट पक्षाचे ज्येष्ठ नेते गोविंद पानसरे यांची हत्या कोल्हापूरमध्ये फेब्रुवारी 2015 मध्ये झाली. पानसरे आणि दाभोलकर यांच्या निकटवर्तीयांनी न्यायालयात याचिका केल्या आहेत.
 

loading image