#PMPIssue ‘पीएमपी’चे सुधारणांकडे दुर्लक्ष

PMP-Issue
PMP-Issue

पुणे - पीएमपीच्या अनेक बसची सध्या दुरवस्था झाली आहे. यामुळे त्या मार्गांवर बंद पडत असल्याने प्रवाशांची गैरसोय होत आहे. याबाबत प्रशासनाकडे तक्रार केल्यास त्याची दखल घेतली जात नाही. यामुळे संबंधित अधिकाऱ्यांवर कारवाई करण्याची मागणी पीएमपी प्रवासी मंचाचे सचिव संजय शितोळे केली केली आहे. पालकमंत्री गिरीश बापट व महापौर मुक्‍ता टिळक यांना हे निवेदन देण्यात आले आहे.

शहरास सार्वजनिक वाहतूक पुरविणाऱ्या पीएमपीच्या ताफ्यातील अनेक बसची सध्या दुरवस्था झाली आहे. प्रवाशांच्या तुलनेत बसची संख्या कमी आहे. यामुळे बऱ्याच बसचे आयुर्मान संपलेले असले, तरी त्या रस्त्यावर उतरविल्या जातात. 

परिणामी, प्रवाशांना मार्गात बंद पडण्यासह विविध समस्यांचा सामना करावा लागत आहे. बसला आग लागण्याच्या घटना घडत असतानादेखील असुरक्षित बस रस्त्यावर उतरविल्या जात आहेत. यामुळे पीएमपी प्रवाशांच्या जिवाशी खेळत असल्याचा आरोप शितोळे यांनी या निवदेनात केला आहे. पीएमपी प्रशासनाबरोबर पालकमंत्री, महापौर आणि प्रादेशिक परिवहन कार्यालय (आरटीओ) यांना हे निवेदन दिले आहे. याबाबत पीएमपीच्या अधिकाऱ्यांशी संपर्क केला असता, त्यांनी प्रतिसाद दिला नाही.

शहरात अनेक ठिकाणी रस्त्यावर पीएमपी बस बंद असल्याचे चित्र नेहमी पाहावयास मिळत आहे. अनेक बस जुन्या असल्याने त्या खिळखिळ्या झालेल्या आहेत. 
- सूरज दळवे, प्रवासी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com